san carlo 2 bassa bresciana.qxd - Brixia Sacra

BASSA ORIENTALE
Redondesco, San Maurizio
[a. Acta visitationis, ff. 244v-246r;
Brescia, XXVIII, ff. 61v-65v; XL, ff. 380r-384v]
[b. Decreta particularia, ff. 242v-246v;
Brescia, XXVII, ff. 131v-136v; XXIX, f. 69v]
[a. CHIESA PARROCCHIALE DI SAN MAURIZIO DI REDONDESCO]
[f. 244v] Die 9 aprilis suprascripti mensis et anni
Visitavit parochialem ecclesiam Sancti Mauritii praeposituram nuncupatam
loci Rotundischi et deinde intra eius fines infrascriptas ecclesiae cappellas,
oratoria et scholas. Consecrata dicitur, quae pro ratione numerositatis
populi angusta est. In ea Sanctissimum Sacramentum assidue asservatur
cum lampade accensa expensis praepositi. Reliquiae sacrae, videlicet caput
unius Innocentium et aliae asservantur in cappella maiori. Baptisterium
adest. Altaria quinque habet, videlicet altare maius. Altare Sanctissimi
Sacramenti cum schola sub eodem titulo in quo ipsa confra- [f. 245r] ternitas
bis in hebdomada celebratur per praesbiterum Horatium Benalium
cum annua mercede ducatorum 14. Altare Sanctae Mariae Nativitatis et
Sancti Nicolai de iurepatronatus familiae de Berzis et communitatis, ut
dicitur, cum dotatione et redditu annuo ducatorum 20 de camera et onere
missae quotidianae; ob tenuem tamen redditum, auctoritate apostolica,
dictum onus redactum est ad tres missas tantum in hebdomada, de qua
reductione nihil constat, ut creditur, cui oneri satisfit per presbiterum
Dominicum de Torolis rectorem Sancti Firmi. Altare Rosarii Beatae Mariae
Virginis cum schola. Altare aliud dotatum.
Reverendus Franciscus de Cantinis in eius testamento reliquit omnia sua
bona mobilibus et immobilibus cum onere quod eorum fructus consignentur
sacerdoti de consanguineitate vel aliis duobus qui celebrent tot missas et
officia pro mortuis in hac ecclesia cum conditionibus ut in testamento. Item
vi legati reliquit proprietatem cuius annui redditus ducatorum 15 cum onere
celebrandi duo anniversaria, tres missas feriales in hebdomada et diebus
dominicis. In hac ecclesia presbiter Andreas de Attis loci Rotundeschi,
annorum 51, sacerdos, est cappellanus mercenarius ratione praedictorum
371