san carlo 2 bassa bresciana.qxd - Brixia Sacra

BRIXIA SACRA
Corporis Christi de licentia reverendissimi episcopi erigendae. Termino
vero quatuor annorum fiat altera pixis maior ad usum communionis generalis,
impensis hominum et societatis. Baptisterium fiat ad formam, et
locetur in nitia seu capella construenda in ingressu ecclesiae septentrionem
versus, quae cancellis saltem ligneis sepiatur. Paramenta pro ornatu altaris
ad usum celebrationis missarum necessaria comparentur impensis canonici
titularis. Clericus item ab illo teneatur, qui idoneus sit, et semper in habitu
et tonsura incedat.
Familiae, cassinaeve, quae reverendissimi ordinarii iudicio subiicientur
parochiae noviter erigendae in ecclesia Sancti Silvestri, seu alio loco commodiori,
etiam moenia oppidi Asulae illam, ac eius domum reparent
perpetuo, et ad eam formam redigant, ut in ea parochialia munia ex
praescripo instructionum commode exerceri possint. Provideant item de
baptisterio, quod sit ad formam, et sub nitia in ingressu [f. 231v] ecclesiae
septentrionem versus locetur impensis eorundem hominum. Ematur
tabernaculum decens cum pixide pro asservando Sanctissimo Sacramento.
Locus, qui ecclesiae inhaeret, ematur eorundem hominum impensis ad
usum coemiterii, quod consacretur.
In ecclesia Sancti Petri Odoardi
Ecclesia Sancti Petri reparetur, eiusque tectum adhibita suffita. Parietes
dealbentur et imagines corrosae renoventur. Campanile reparetur, et ostium
cum sera et clave penes rectorem retinenda claudatur. Altare redigatur ad
formam, et cancellis ligneis sepiatur, et haec omnia fiant impensis titularis.
In ecclesia Sancti Francisci Franciscanorum de observantia
Tabernaculum ligneum decens fiat pro Sanctissimo Sacramento asservando.
Pixis una fiat ad usum communionis, et asservandi sanctissimam
eucharistiam. Fiat reliquiarium decens ad praescriptum instructionum pro
sacris reliquiis asservandis in fenestella in ecclesia ad formam. Fratres procurent
quantum poterint, ut perficiantur capellae, quae claudantur omnino
infra sex menses, alioquin tollantur altaria donec id fiat.
Arbores omnes et vites a coemiterio amoveantur et evellantur infra
octo dies, sub poena interdicti ecclesiae, nec illud ad usum viridarii aliquo
modo convertatur. Arcae seu deposita cum insignibus parietibus appensa
ammoveantur infra tres dies, alioquin eo termino elapso non celebretur in
352