san carlo 2 bassa bresciana.qxd - Brixia Sacra

BRIXIA SACRA
haec ecclesia, quae non est capax, et antiqua, instauretur et amplietur,
prout iam deliberavit, cum sacristia et aliis ad formam instructionum fabricae,
exhibita prius ordinario aedificii forma, ab eo approbanda. Caemiterium
circum circa muro claudatur infra annum. Provideatur de corporalibus
saltem sex, et vigintiquatuor purificatoribus 3 ad formam infra mensem.
Labra duo pro aqua benedicta comparentur. Item duo confessionalia ad
formam intra quatuor menses. Bradellae particulares personarum tollantur
infra triduum nec amplius admittantur sub poena interdicti ecclesiae.
Haec omnia ut supra praescripta praestentur ex fructibus beneficii, qui
dicuntur reservati, et aliquo adiumento scholae Corporis Christi, communitatis
et nobilium loci, et ad hoc fiant sequestra fructuum ecclesiae quamvis
reservatorum et relaxa opportuna etiam a vicario foraneo in manibus
depositarii per illustrissimum visitatorem, vel reverendissimum episcopum
constituendi. Ex fructibus eiusdem ecclesiae perpetuo manuteneatur unus
coadiutor idoneus ad curam animarum, quae excedunt numerum 1700
attento comodo redditu parochialis ac huiusmodi onera supportanda,
cuius coadiutoris nomine sequestrentur quottannis quinquaginta scuta
eique relaxentur. Quod si aliquando ultra mensem caruerit coadiutore,
quamdiu defuerit scholae [f. 146v] Corporis Christi censeatur applicata
rata fructuum, quae coadiutori tradenda esset. Manuteneatur ex iisdem
fructibus ecclesiae clericus idoneus, qui in habitu et tonsura semper incedat,
et ecclesiae inserviat.
Schola Corporis Domini, quae reperta est non habere erectionem, ex
nunc ab illustrissimo visitatore erecta est, regulam ad usum comunem provinciae
Mediolanensis edendam habeat et servet. Procurent scholares
implicare in aliqua proprietate idonea illas libras tercentum quinquaginta
sex penes presbiterum Antonium de Baronibus existentes. Presbiter Iacobus
de Tirellis licentiam ab ordinario obtineat pro celebratione missae ad
altare scholae praedictae. Instrumentum presbiteratus exhibeat infra XV
dies sub poena suspensionis ab ordinibus. Ne in cura animarum se exerceat,
nisi praevio examine et licentia ab ordinario obtenta. Reverendus
reservatarius exhibeat infra octo dies litteras suae reservationis in actis visitationis.
Scholares Rosarii novos ufficiales constituant, et quotannis 4
mutent. Officiales Montis pietatis quottannis mutentur, et rationes rectius
regant, et capitale milii quod est salmarum 73 et quateriarum 71 in libro
mastro notent.
108