san carlo 2 bassa bresciana.qxd - Brixia Sacra

BASSA ORIENTALE
quotidie, quorum bonorum plodia septem possidet dominus Alexander
Franzonus, alia vero septem praefatus Ioannes Maria patronus qui illustrissimo
visitatori promisit relaxare vacua, ita ut [f. 235v] libere sint. Titularis
pro tempore existens est vacans a viginti annis citra.
Altare Sancti Ioseph cum schola que illud ornandum curat, unitum dicitur
canonicatui seu praebende sub eodem titulo erecto a communitate ex
voto occasione belli publici emisso, ut dicitur infra in statu canonicatuum.
Habet cappellaniam quae, ut dicitur, est iurispatronatus familiae de Franzonibus
et de Bernarchis de Castro Novo virtute legati relicti a quondam
domino Ioanne Antonio de Romagnolis Aquae Frigidae, quae familiae, ut
dicitur, sunt in quasi possessione praesentandi presbiterum reverendissimo
episcopo, ad quem spectat institutio. Dos, ut dicitur, consistit in tot bonis
stabilibus redditus librarum centum in anno cum onere celebrandi continuatis
temporibus, ex quibus verbis ambigitur quot diebus celebrare titularis
teneatur. Titularis est presbiter Angelus de Franzonibus in eadem ecclesia
canonicus, qui dicitur per se ipsum oneri satisfacere.
Altare Conceptionis Beatae Mariae Virginis cum cappellania quae est, ut
dicitur, de iurepatronatus familiae de Datis ex dotatione plodiorum 28 terrae
cum onere duarum missarum in haebdomada celebrandum et, ut creditur,
praedicta familia est in quasi possessione praesentandi, illius vero institutio
spectat ad episcopum. Titularis est dominus presbiter de Datis alias
canonicus brixiensis, cappellanus mercenarius est presbiter Ioseph de Federicis,
canonicus in eadem ecclesia, qui satisfacit oneri. Ad praedictum altare
est confraternitas Conceptionis Beatae Virginis quae ex devotione duo
anniversaria post festivitatem Conceptionis celebrare facit. Altare Sancti
Ioannis Baptistae, ut dicitur, est familiae de Bocalinis et creditur etiam dotatum.
Celebrat ad dictum altare presbiter Petrus Manginus, canonicus in
eadem ecclesia cum mercede librarum 24, quae solvitur ab illis de Bocalinis,
qui dicunt celebrare facere ex devotione tantum. Altaria reliqua indotata.
Reperta fuerunt insignia et capsae cadavera contra praescriptum bullae
Pii quinti in hac ecclesia. Coemiterium est septentironem versus, exiguum,
apertum, per quod fit transitus ad aedes canonicales et ad campanile. Sacristia
inheret cappellae maiori meridiem versus, est satis ampla et decens, sed
suppellectili poene destituta. Aedes canonicales inherent ecclesiae et ruinosae
sunt, ad usum tantum illorum trium canonicorum et archipraesbiteri,
qui curam [f. 236r] animarum ex primaeva institutione canonicatuum
319