san carlo 2 bassa bresciana.qxd - Brixia Sacra

BRIXIA SACRA
tem comunibus expensis habeant, qui eis in missis inserviat et habitu clericali
incedat.
[f. 132v] Coadiutores in cura onus aliquod missarum ne suscipiant
priusquam oneri curae satisfactum sit iuxta formam decretorum celebrandi
ter in hebdomada, ac singulis festivis diebus. Frater Hieronymus del
Fianello non admittatur absque superiorum suorum licentia commorandi
extra religionem, neve absque reverendissimi ordinarii facultate celebrandi,
et nisi prius liberatione obtenta imputationum, de quibus in processu
in foro episcopali existente. Frater Basilius post XV dies ad celebrationem
non admittatur, nisi prius facultate ab ordinario renovata. Augustinus de
Odofredis conversationes laicales omnino ne teneat quinimo arma et pravos
mores dimittat, sed studiis incumbat. Archipresbiter ne servas in
domo habeat nisi licentia in scriptis a reverendissimo ordinario obtenta.
Dominus Petrus de Blancis satisfaciat oneri annualis unius pro anima
Bartholini Boninsegni, ad quod ipse tenetur, et tam pro decem annis praeteritis,
quibus non satisfecit, quam in futurum. Nicolaus Neapolitanus
ludi magister termino mensis licentiam ab ordinario obtineat ludum litararium
in hoc loco exercendi.
Infrascripti omnes videlicet, Michael de Odofredis, Antonius Maria
Paganus, Franciscus, Marcus et Beninus omnes de Becagnolis, Angelus
Loda, Hercules et Thomas Pola, Camillus Viganus, Cornelius Bellanus, nec
non Franciscus et Bernardinus eius filii, Marcus Lutinus et Iohannis Angelus
filius, ac Angelus Bozzonus omnes de loco Manerbii, qui pro inconfessis
denuntiati fuerunt ob inimicitias, et in Pascate proxime praeterito sanctissimam
eucharistiam non sumpserunt, nisi termino mensis unius ad sanctissimum
penitentiae sacramentum sese presentarint, ac sanctissimam
eucharistiam sumpserint, attenta iam reconciliatione medio praefati illustrissimi
domini 12 inter eos facta, interdicantur et ab acclesia [f. 133r] eiiciantur.
Thomas Polanus pariter inconfessus, id infra duos menses perficiat,
aliter ab ecclesia interdicatur.
Rector cuiuscunque parochiae proximo die dominico a notitia huius
decreti sub poena suspensionis a divinis, unica monitione inter missarum
solemnia generatim omnino admoneat, ut qui in Pascate resurrectionis
proxime praeterita sanctissimae eucharistiae sacramentum non sumpserunt
sigillatim ac nominatim festo die proximo sine ulla mora intra missarum
solemnia in ecclesia parochiali ab ecclesiae ingressu, et ecclesiastica
62