san carlo 2 bassa bresciana.qxd - Brixia Sacra

BASSA ORIENTALE
sdem sacerdotis curati nequaquam sat esse ordinarius iudicaverit, eidem
portioni applicentur redditus et fructus ducatorum quindecim, qui percipiuntur
ex proprietate relicta tertio loco a quondam presbitero Francisco
Cantino, quam olim possidebat presbiter Vincentius Bellinus et nunc presbiter
Andreas de Attis capellanus ammovibilis, et onus huius legati ob
tenuitatem reddituum ad tres missas feriales in hebdomada celebrandum
reducere poterit, qui capellanus curatus curam animarum exerceat, una
cum praeposito, et quinquies in hebdomada ac festis diebus celebret, ac
etiam omnibus divinis [f. 244v] officiis intersit.
Communitas et nobiles loci atque schola Sanctissimi Sacramenti omni
pietate incumbant reparationi et ornatui suae parochialis ecclesiae in omnibus
supra praescriptis. Parochus autem, praeter omnem impensam populi
ac schola Sanctissimi Sacramenti pro exequutione ordinationum huius visitationis,
hoc anno impendat ipse 20 aureos, tum deinde totidem singulis
annis, usque ad plenam illarum exequutionem, fiantque ob hanc caussam
sequestra et relaxa quotannis etiam a vicario foraneo. Ex fructibus praebendae
archipresbiteralis perpetuo teneatur sacerdos, qui missas celebret
et rectori coadiuvet in curatione animarum et administratione sacramentorum,
ut hactenus consuetudinis fuisse compertum est in visitatione. Teneatur
item ex fructibus eiusdem praebendae clericus, qui idoneus sit, et in
habitu et tonsura incedat. Alius vero clericus teneatur impensis capellanorum
etiam mercenariorum et societatis Corporis Christi pro rata.
In ecclesia Sancti Thomae Aquinatis et Sancti Sebastiani Disciplinatorum
Altare oratorii Disciplinatorum clathris ferreis claudatur. Confratres obtineant
licentiam celebrandi in dicta ecclesia, qua obtenta in diebus festis, non
ante, sed post missam parochialem celebretur. Loca seu cubicula super ecclesiam
constructa ad usum praedicatoris poenitus auferantur, et omnia
prophana simul, ita ut unum tantum oratorium superius relinquatur. Provideatur
de purificatoriis quindecim, et corporalibus duobus ad formam, cum
[f. 245r] suis bursis, et quatuor velis pro calicibus varii coloris prout temporum
varietas exigit. Confratres habeant et servent regulas ad usum universae
provinciae Mediolanensis editas. Officiales ex confratribus singulis annis
praeficiantur, et rationem administrationis reddant praesente praeposito,
aliove ab ordinario deputato ex regularum praescripto. Eligantur ex confratribus
disciplinatis duo visitatores, qui una cum praeposito pro tempore exi-
377