san carlo 2 bassa bresciana.qxd - Brixia Sacra

BASSA ORIENTALE
ad declarationem privationis iurispatronatus et censurarum ad praescriptum
concilii Tridentini. Fructus et redditus, qui in posterum ex dictis bonis percipientur
donec sanctissimus dominus noster, ad quem devoluta est collatio,
provideat de titulari, expendentur pro reparatione dictae capellae et paramentorum,
interea curatus satisfaciat oneri duarum missarum in hebdomada.
Altare societatis Corporis Christi construatur in medio ecclesiae meridiem
versus sub nicia ad praescriptum instructionum, quod respondeat
alteri altari Sanctae Mariae, et cancellis saltem ligneis claudatur, impensis
confraternitatis Corporis Christi. In posterum missa, quae ex instituto
societatis canitur ad praedictum altare, celebretur ad altare maius, ad quod
transferimus dictam societatem, cuius munus erit curare ut Sanctissimum
Sacramentum et locus ipse in quo asservatur omni debita reverentia et
honere retineatur. [f. 210v] Praedicti confratres servent regulas ad usum
totius provinciae Mediolanensis editas. Confratres ornent altare Corporis
Christi pallio et mappis mundis.
Sepulturae redigantur ad formam instructionum, ita ut pavimentum
aequatum sit impensis dominorum in duos menses, alioqui obstruantur. Tectum
ecclesiae resarciatur, eique suffita decens adhibeatur. Parietes interius
dealbentur, impensis populi. Coemiterium valletur usquequaque muro infra
sex menses, eiusdem populi impensis. Fiat fons aquae benedictae eiusdem
populi impensis. Sacristia amplietur, et in ea fiat oratorium et lavatorium ad
praescriptum instructionum. Purificatoria 20 et corporalia tria ad formam,
cum suis sacculis diversi coloris pro varietate temporis quamprimum fiant.
Tres planetae cum suis manipulis et stollis, una rubei coloris, altera viridis et
altera violacei comparentur ex fructibus capellae Sanctae Mariae et beneficii.
Fiant item tria pallia ad altarium ornatum. Vas ad usum lavandi purificatoria
et lavatoria fiant ad formam. Confessionalia duo habeantur ad praescriptam
formam. Parochus ex fructibus sui beneficii manuteneat clericum, qui a reverendissimo
ordinario probatus sit, et semper in habitu et tonsura incedat.
In ecclesia Sanctae Margaritae, in qua olim exercebatur cura animarum
Altare transferatur in fronte capellae, ita ut a muro procul cubiti unius
distet, sepiatur etiam cancellis ligneis. Tectum ecclesiae resarciatur et suffita
adhibeatur. [f. 211r] Parietes intus ecclesiae dealbentur. Ostium unicum
sit, quod sera et clave retineatur clausum exceptis festis diebus. In dicta
ecclesia in posterum nihil prophanum adhibeatur.
301