san carlo 2 bassa bresciana.qxd - Brixia Sacra

BRIXIA SACRA
etiam administrandis et aliis huiusmodi officiis obeundis, prout archipresbiter
censuerit.
Alius vero canonicus, ut antiquissimae consuetudinis est, resideat die
noctuque in loco Barchi, ibique populo illi extra moenia ab ea parte constituto
sacramenta ministret. Alius denique sextus, videlicet et capellanus
item coadiutor, quem archipresbiter suo sumptu sustentare debet, curam
habeant speciatim ac sigillatim archipresbitero et ecclesiae prae aliis assistendi,
ut parati sint omnibus horis ad munus coadiuvandi praestandum,
cum maxime donec alia ratione providebitur in populo extra moenia posito,
cui adhuc nullus residens sacerdos datus est, qui eam curam gerat, tum
etiam in omnibus aliis partibus, quae aliis coadiutoribus commendatae
sunt, prout etiam occasio improvisa aliquando sese obtulerit, cui archipresbiter
a se ipso, ut ab illo canonico, aut a suo capellano coadiutore succurrendum
esse censuerit. At vero haec partitionis ratio nomine aliorum etiam
coadiutorum omnium, vel singulorum excuset quominus prompti ac parati
semper sint, ac re ipsa vere parochialia munera praestent omni tempore
die noctuque, cum vel a parentibus, vel ab aliis indigentibus eorum opera
requiritur, vel archipresbiter iusserit pro maiori animarum commodo, aliave
caussa, aut reverendissimus episcopus etiam pro exequutione Tridentini
concilii ac decreti in concilio provinciali quinto in hoc genere editi praescripserit,
iusseritve.
In ecclesia vero non per orbem, sed omnes et singuli ad praescriptum
archipresbiteri confessiones audiant, sanctissimam eucharistiam et baptismum
ministrent, aliaque munera parochialia praestent, diebusque festis,
tum archipresbiter, tum ipsi omnes frequentius et diutius confessionalibus
assistant, ut hac etiam solicitudine fideles invitentur ad frequentes [f. 221v]
confessiones; tempore vero quadragesimae archipresbiter et canonici praedicti,
ac capellanus singulis diebus, ut ipse archipresbiter opus esse censuerit,
resideant in eorum confessionalibus pro populi confessionibus audiendis,
his item diebus, quibus virtute iubilei vel alia occasione ad sacramenta
suscipienda accedent. Sacerdotes confessarii omnes tam regulares, quam
seculares cum aegroto sacramentum poenitentiae administraverint, testimonium
statim scriptum eidem tradant medico exhibendum sub poena
regularibus suspensionis ab audiendis confessionibus ad arbitrium reverendissimi
episcopi, sacerdotibus vero secularibus scutorum decem aurei
fabricae ecclesiae applicandorum.
340