san carlo 2 bassa bresciana.qxd - Brixia Sacra

BASSA CENTRALE
Alfianello, Santi Ippolito e Cassiano
[a. Acta visitationis, ff. 187v-188v;
Brescia, XL, ff. 256r-257r]
[b. Decreta particularia, ff. 145v-148r;
Brescia, XXVII, ff. 1v, 45r-50r]
[a. CHIESA PARROCCHIALE DEI SANTI IPPOLITO E CASSIANO
DI ALFIANELLO]
[f. 187v] Die lune XIIII mensis martii praedicti anni
Visitavit ecclesiam parochialem Sanctorum Hippoliti et Cassiani loci Fianelli
et deinceps intra eius fines infrascriptam ecclesiam 1 , oratoria, scholas
et montem pietatis, quae est consecrata, vetusta, incapax populi ac incongrua;
in ea Sanctissimum Sacramentum assidue conservatur in altari maiori
ante quod lampas ardet expensis comunitatis ex obligatione. Baptisterium
adest non ad formam nec loco incongruo collocatum. Altaria tria
habet, videlicet altare maius, altare Corporis Domini in quo celebratur
missa quotidiana ex devotione et expensis scholae Corporis Domini. Cappellanus
mercenarius est praesbiter Iacobus de Tirellis de Verola brixiensis,
aetatis annorum 36, cum annua mercede librarum 130, qui de ordinibus et
de facultate celebrandi non docuit. Habitat in domibus Sancti Rochi.
Altare Rosarii indotatum cum schola. Cimiterium patet, sacristia non
adest. Domus parochiales sunt annexe ecclesiae cum viridario. Redditus
huius parochialis sunt ducatorum circiter quatuorcentum, qui dicuntur
reservati multo reverendo domino Matheo Averoldo canonico brixiensi,
qui ducatos quinquaginta solvit rectori. Rector titularis est praesbiter Philippus
de Crueris de Fianello brixiensis, aetatis annorum 60, alias professus
ordinis haeremitarum Sancti Agustini et dispensatus a Sede appostolica;
idoneus ad curam animarum, legitime docuit de titulo et ordinibus. Habitat
in domibus parochialibus, nullum habet clericum.
Animae huius curae in totum sunt circa 2 1726, quorum 1074 sacram
Eucharistiam sumere tenentur, quibus quidem in cura animarum et ministrandis
sacramentis unus rector non [f. 188r] sufficit. Non comunicati in
Paschate, ut inditum fuit, sunt dominus Sfortia Advocatus, Fabritius de
105