san carlo 2 bassa bresciana.qxd - Brixia Sacra

BASSA ORIENTALE
cum cappella ad usum baptisterii, quod etiam eorum impensis fiat atque
ornetur sepiaturve ad praescriptum ordinationum supra dictarum, excepta
cappella maiori quam construant et etiam perpetuo reparent ipsi abbas et
fratres pro tempore 3 ad praescriptum etiam instructionum provinciae de
fabrica ecclesiastica et ordinationum. Postremo universitatis et homines
ipsi ad eiusdem declarationis praescriptum reficiant, reconcinent et reparent
campanile et campanas perpetuis temporibus, nec non teneant clericum
qui eius aetatis sit qui dictas campanas pulsare ac ecclesiae inservire
possit. Alium vero clericum seu conversum, abbas et fratres perpetuo
teneant qui ipsis sacerdotibus ministrantibus inservire.
Premissam declarationem etiam ex illius praescripto abbas et fratres
coram reverendissimo ordinario, spatium trium mensium, publico documento
et legitima auctoritate ratificent et accipient, alioquin ex eiusdem
declarationis praescripto decernitur in hac ecclesia parochiali vicarium perpetuum
deputandum fore et esse, cui abbas et fratres pro tempore provideant
et assignent ex fructibus huius beneficii congruam provisionem scutorum
100 singulo anno pro eiusdem vicarii sustentatione et unius sacerdotis
secularis qui in animarum curatione a reverendissimo ordinario, scientia,
vitae ac morum honestate probatus et adiunctus et coadiutor sit ac sacramenta
omnia ministret quotidieque in hac ecclesia parochiali celebret aliisque
divinis officiis intersit, assignata etiam congrua portione ex dictis scutis
100, quae quidem tum satis non sint [f. 226r] ad vitam dictorum sacerdotum
et clerici sustinendam populus huius loci singulis annis XV aureos numeros
ex propriis redditibus subministrent; eiusdem declarationis praescripto
abbas et fratres pro tempore non teneantur ad ali[ud] quam reparationem
huius ecclesiae aediumque parochialium neque ad paramenta et alias huius
ecclesiae res necessarias, onerave suppeditandum nisi quatenus pro eorum
charitate voluerint sponte aliquid ad eiusdem ecclesiae ornamentum et divinis
officiis decorum contribuere, sed praedicta onera populus eius sumptibus
perpetuo subministret et alia exequantur quae superioribus et aliis decretis
ipsi populo praescripta sunt. Schola Doctrinae christianae non exercetur.
Schola Sanctissimi Sacramenti antiquitas erecta est et aggregata archiconfraternitati
Sanctissimi Sacramenti Sanctae Mariae de Minerva, super qua
aggregatione obtinuit bullas cum indulgentiis. Non habet regulas comprobatas.
Regitur a duobus ratiocinatoribus et notario qui non mutantur ad praescriptum.
Habet redditum librarum decem septem in anno, ex quibus provi-
263