san carlo 2 bassa bresciana.qxd - Brixia Sacra

VISITA AI MONASTERI
Eligantur, servata forma concilii, nova priorissa et vicaria intra mensem,
priorissa vero et vicaria, quae nunc sunt, et fere quindecim annis fuerunt in
eodem officio, vacent ab utroque saltem per sex annos, ita ut eo spatio eligi
non possint. Asinae in alio loco magis a monasterio separato alantur, et a
famulo, vel serva externa curentur, non autem a monialibus etiam conversis.
Ne amplius permittant, admittantve moniales, etiam monialium agnatos
viros, foeminasve in hospitio suo pernoctare, immo vero nec etiam cibum
capere excepto confessario, si quando illi necesse fuerit, idque omne sub
poena privationis officii et vocis in capitulo per triennium, et alia graviori
arbitrio reverendissimi episcopi. Conversae decem, quae omnes ad alia,
quam ad querendum eleemosinas egressae sunt, ut puta ad sternendum lectum
confessario, ad aquandum asinas, ad nundinas et ad mercatus pro
emendo aliquid, et similia, semotae ab aliis in aliquo loco stent, [f. 237r]
donec absolutae fuerint a sententia excomunicationis, qua innodatae sunt.
Moniales etiam conversae ne e clausura exeant sub poena excomunicationis
ipso facto incurrenda ullo quovis praetextu, vel facultate, etiam caussa
eleemosinae querendae, sed per servitores viros, vel foeminas, aliave
ratione a reverendissimo episcopo probatas querant eleemosinas. Qui in
clausurae septa sine episcopi concessione exarata scripto, atque ab episcopo
subscripta ingredietur, excomunicationis poenam ipso facto subeat.
Qui vero ad collocutionis cratem accesserit sine eorum licentia, quos episcopus
huic curae praefecerit, si ecclesiasticus sit, excomunicetur, si vero
laycus ecclesiae ingressus illi interdicetur.
421