san carlo 2 bassa bresciana.qxd - Brixia Sacra

BRIXIA SACRA
Fiant paramenta et alia ad usum celebrandi missas et ornatum altaris, et
varii coloris iuxta ritum ecclesiae, impensis pensionarii. Qua in re et aliis
indigentiis ecclesiae supra descriptis, praeter impensas et adiumenta populi
et pensionarii ut supra, rector impendat hoc anno et deinde quotannis 2 scuta
duodecim usque quo omnia adimpleta erunt. Sed quia ipsi propter onus,
quo praemitur, annuae pensionis non satis relinquitur unde vitam suam
sustentet, nedum ecclesiam reparare suppellectileque instruere aliaque pro
divino cultu parochialibusque muneribus necessaria providere possit, iccirco
aucthoritate apostolica nominatim etiam dellegata decernitur ut dominus
Antonius de Gasparinis, cui ex fructibus huius ecclesiae pensio scutorum
quinquaginta attributa est, ea omnia et singula, quae de ecclesiae reparatione
et suppellectile ab eo conficienda, comparandave mandantur. Ipse
ex pensionis fructibus praestet atque exequatur, iamque ex hoc anno 1580
aureos quindecim, ceterisque deinceps insequentibus annis aureos decem in
iis, quae sibi nominatim imposita sunt exequendi etc. impendat, quousque
omnia executioni mandata fuerint. Quam quidem peccuniae summarie titularis
aucthoritate huius decreti apud se singulis annis [f. 159v] retineat, eamque
praesente et consentiente vicario foraneo, syndicis, curatoribusve ecclesiae
nomine communitatis deputatis, si qui sunt, vel praefecto sive thesaurario
scholae Corporis Christi in supradictis rebus exequendis impendat,
sub poena dupli et aliis poenis, etiam suspensionis, arbitrio ordinarii.
Domus parochiales infra annum omnino reparentur a rectore, qui etiam
anno elapso in illis omnino habitet idque omne sub poena scutorum quinquaginta
consortio pauperum applicanda, et graviori arbitrio ordinarii.
Consortium provideat de planetis duabus pro altare Sanctissimi Corporis 3
ad quod celebrari facere tenetur iuxta iam ordinata a reverendissimo Bollano,
et de aliis etiam necessariis paramentis, et suppellectile omnibus altaribus
in quibus missas celebrare facit, ad praescriptum instructionum. Manuteneat
etiam clericum pro eodem servitio. Haeredes quondam Bernardi
Carariae dicti Tondini omnino satisfaciant oneri missarum quatuor in mense
ex legato dicti quondam Bernardi. Haeredes quondam domini Francisci
Rochae, seu dominus Baptista eius filius, qui possidet petiam terrae appellatam
ad Cropellum omnino satisfaciant oneri missae unius in hebdomada ex
legato dicti quondam Francisci, qui in spacio obligavit dictam petiam terrae.
Scholares Corporis Domini regulas ad usum comunem provinciae
Mediolanensis edendas habere procurent. [f. 160r] Syndicos et massarium
144