san carlo 2 bassa bresciana.qxd - Brixia Sacra

BRIXIA SACRA
Schola Sanctissimi Sacramenti instituta et erecta ut dicitur. Non habet
regulas comprobatas. Regitur a duobus sindicis et duobus massariis qui
annuatim mutantur. Nullos redditus habet praeter eleemosynas, ex quibus
celebratur missa prima dominica cuiuslibet mensis et die sequenti officium
mortuorum ut supra dictum fuit, administrationis rationes singulis annis
dantur coram economo. Fuit alias visitata reverendissimo episcopo Bollano
ordinario.
Ecclesia Sanctae Margaritae campestris. Olim erat parochialis, ut dicitur,
non est tantum consecrata. Unita est ecclesiae suprascriptae Sancti Emerii.
Habet unicum altare in quo non celebratur praeter quam in eius festivitate.
1
Cancellata la m di incultam.
[b.] [f. 209v] In ecclesia Sancti Emerii parochiali Castrinovi
Tabernaculum ligneum maius et decentius fiat, et super altari maiori retineatur.
Altare maius ad formam redigatur. Pixides duae fiant ad formam
decentes, altera maior ad usum sacrae communionis faciendae, altera
minor pro Sanctissimo Sacramento aegris deferendo impensis societatis
Corporis Christi. [f. 210r] Baptisterium fiat ad formam et locetur in
ingressu ecclesiae a latere sinistro, et sepiatur saltem cancellis ligneis
impensis communitatis. Vascula oleorum sanctorum ad formam conflata
comparentur, vasculum olei infirmorum ab aliis distinctum sit. Sacrarium
construatur penes baptisterium et alterum in angulo campanilis.
Capella maior dealbetur et clathra ferrea claudatur. Altare Sanctae
Mariae, quod dicitur de iurepatronatus familiae de Muscattis, construatur
ad formam sub nicia, quae fiet impensis patronorum, seu reddituum et
fructuum bonorum eiusdem capellae, quae detinetur a Iohanne Maria de
Muscattis, qui eorum fructus in proprios usus convertit in maximum animae
suae detrimentum et praeiudicium.
Reverendissimus ordinarius procedat contra dictum Iohannem Mariam ad
relaxationem dictorum bonorum et restitutionem fructuum perceptorum, et
300