san carlo 2 bassa bresciana.qxd - Brixia Sacra

BASSA ORIENTALE
ad hoc munus obeundum ex monasteriis, quae sunt in finibus huius curae,
eamque ob caussam defferatur provisio usque ad illius vacationem, cuius
bona meliora reddantur cura administratoris idonei deputandi.
Archipresbiter sciat munus curationis animarum huius loci praecipuum
esse archipresbiteratus. Itaque illud diligenter praestet, dissidia componat,
verbum Dei praedicet, confessiones audiat, [f. 220v] aegrotos invisat, illisque
sanctissimam eucharestiam et extremam unctionem ministret et alia
parochialia munera subeat die noctuque in ecclesia et foris, eaque per se
ipse praestet, poena fructuum amissionis et alia graviori pro ratione culpae
vel negligentiae. Capellanum etiam coadiutorem suum vi consuetudinis,
quae olim etiam ante erectionem in collegiatam vigebat in eadem animarum
cura perpetuo retineat, qui a reverendissimo episcopo probatus sit ad
praescriptum concilii Tridentini.
Canonici vero illi omnes sex, videlicet qui cum archipresbitero curam
exercere consueverunt, ad idque tenentur partim ex antiquissimo instituto
antequam haec ecclesia collegiata esset, partim ex erectione et fundatione
ipsorum canonicatuum, noverint se et ad residentiam personalem, et ad
praedictae curae administrationem aeque ac ipsum archipresbiterum teneri.
Quamobrem deinceps muneri suo omni cura, studio incumbant die nocteque,
tam extra quam intus oppidum prout ab archipresbitero vocati iussive
erunt, sine ulla recusatione aut mora, ullave exceptione prompte ac
diligenter, poena restitutionis fructuum, aliave graviori, etiam privatione
beneficii pro ratione culpae vel negligentiae gravioris. Itaque assistant studiose,
et parati sint omnibus laboribus subeundis in adiuvando archipresbitero
in omnibus muneribus parochialibus, atque re ipsa hoc praestent
sine ulla exceptione. Ut autem res omnis ordine geratur, populusque diligentius
curetur, cum praesertim ratio curae animarum per orbem exercendae
proximo quinto concilio gravioribus ex caussis improbata sit, deinceps
in munere suo exequendo hanc rationem servent.
Archipresbiter singulis annis, vel biennio, aliove certo tempore, prout
utilius animabus viderit, constituat singulis quatuor partibus huius oppidi
singulos canonicos ex his, qui in cura animarum exercenda illum adiuvare
tenentur. Hi singuli archipresbiterum suum adiuvent omni studio potissimum
in curandis illis animabus, [f. 221r] quae resident in parte sibi praecipue
commendata, in describendo statu, in recognoscendis aegrotis, hominibusque
egenis, in assistendo iis, qui in extremis laborant, in sacramentis
339