san carlo 2 bassa bresciana.qxd - Brixia Sacra

BRIXIA SACRA
stet legitime sibi acquisitam illam seram iuxta formam obligationis factae
[f. 185v] in visitatione.
Infrascripti omnes inconfessi, et quilibet eorum nisi termino decem
dierum proxime futurorum peccata sua confitebuntur, ac communicentur
ab ingressu ecclesiae iuxta sacros canones et concilia provincialia interdicti
publicentur, et qui sunt videlicet magister Angelus Mura, dominus Lelius
della Cima, dominus Marcus Forlenga, Ioseph Granellus, Iohannes filius
Evangelistae Pastelli et Franciscus Ghinella.
In ecclesia parochiali archipresbiterali nuncupata Sancti Pancratii
Tectum perficiatur, et ecclesia dealbetur. In eadem ecclesia ter in hebdomada
celebretur, non tamen festis diebus, quibus parochus in ecclesia Sanctae
Mariae sermonem habebit ad populum.
In ecclesia Sancti Marci dirupta intra moenia castri
Ecclesia Sancti Marci reparetur impensis communitatis, ut tempore necessitatis,
si quando acciderit (quod Deus avertat), in ea celebrari possit.
In ecclesia Sancti Rochi extra portam oppidi
Capella maior clathra ferrea, vel saltem cancellis ligneis sepiatur. Altare
maius redigatur ad formam, et cruce, candelabris, aliisque paramentis ornetur.
Pavimentum aequetur. Sacristia cum suis necessariis perficiatur. [f.
186r] Claves apud archipresbiterum, vel alium ab eo deputandum remaneant.
Presbiter Bartholomeus de Franchinis rationem reddat omnium
redituum huius ecclesiae exactorum vicario foraneo, praesente archipresbitero
et aliis hominibus communitatis per vicarium vocandis. Liber administrationis
huius ecclesiae in posterum ab archipresbitero teneatur, qui
omni studio et diligentia agat ad exequutionem legatorum.
In oratorio Disciplinatorum, et ecclesia Sancti Petri
Ne in futurum celebretur ad altare constructum in ecclesia Disciplinatorum,
sed celebrare faciant in ecclesia Sancti Petri inhaerenti ipsi ecclesiae,
quam ad usum dictorum Disciplinatorum concedimus, qui tamen pro recognitione
iurium parochialium solvere teneantur singulis annis in festivitate
Sancti Petri ecclesiae parochiali cereum librae unius, atque illam ad decentiorem
formam redigant. Fenestrae in fronte ecclesiae Sancti Petri extructae
218