san carlo 2 bassa bresciana.qxd - Brixia Sacra

BRIXIA SACRA
conveniens ante altare 1 relinquatur pro iis qui in altari ministrant 2 . Clathra
ferrea figantur in ingressu cappellae super gradu superiori infra quatuor
menses, et umbella eidem altari adhibeatur. Chorus ante altare transferatur.
Altaria illa duo a lateribus cappellae maioris clathra ferrea demossa
muniantur intra sex menses a duabus partibus, videlicet a pilastrata cappellae
maioris ad columellam et a columella ad angulum muri lateralis ecclesiae,
idque impensis illustri[um] comitum de Gambara patronorum. Ostia
illa duo iuxta suprascripta altaria infra triduum muro obstruantur et post
triduum, si non obstructa erunt, in illis non celebretur donec obstruantur.
Scalaque suggestus extra ecclesiam existens intus transferatur.
Quoniam haec ecclesia festis solemnibus capere non potest, curent illustrissimus
dominus cardinalis illustres comites de Gambara, nobiles et
commune quamprimum poterunt, ut ecclesia in longitudinem augeant.
Addaturque praeterea corpori ecclesiae tantum spacium cappellam maiorem
versus, quantum est inter utrumque arcum, et in capite huius spacii
construatur cappella maior, cuius longitudo sit saltem cubitorum decem et
octo, vel viginti, ita ut altare in medio collocari possit et chorus post altare,
[f. 172v] aut si minus tuto iaci possint fundamenta huius aedificii, constituatur
chorus et cappella maior versus navem ecclesiae. Ecclesia vero
amplietur ab occidente, ita ut commode capiat populum idque omne fiat
iudicio periti formaque comprobata per reverendissimum episcopum.
Altaria omnia a parte destera clathris ferreis sepiantur, et aliquantulum
murum versus restringantur ad formam, ne nimis ecclesia impediatur, ita ut
supra gradum lapideum clathra constitui possint infra annum. Altaria
omnia a parte meridionali ecclesiae tollantur infra tres dies, nec amplius
reaedificentur, nisi constructis cappellis extra parietem aliquantulum prominentibus,
quae capiant altare cum bradella et spacium pro clerico inserviente
3 ad formam sine impedimento ecclesiae. Provideaturque de altaribus
portatilibus, bradellis, tabellis, crucibus, candelabris et aliis necessariis ad
usum dictorum altarium. Sepulcra altaribus adhaerentia infra spacium
praescriptum concilio provinciali quarto, humo impleantur, alia vero et
praesertim quae gravem odorem emittunt, duplicato lapide, ad praescriptum
infra duos menses a dominis illorum contegantur. Confessionalia ad
formam fiant, et in loco perspicuo extra cappellam maiorem reponantur.
Caemiterium muro sepiatur a parte 4 meridionali ecclesiae Sanctae Mariae
per rectam lineam usque ad caput ecclesiae. Lavatorium, et oratorium in
180