san carlo 2 bassa bresciana.qxd - Brixia Sacra

BASSA ORIENTALE
Guidizzolo, Santi Pietro e Paolo
[a. Acta visitationis, ff. 224v-226v;
Brescia, XXVIII, ff. 23r-24v; XL, ff. 265r-267r]
[b. Decreta particularia, ff. 204r-207r;
Brescia, XXVII, ff. 215r-216v, 219r-v, 220v-221r; XXIX, ff. 26r-31v]
[a. CHIESA PARROCCHIALE DEI SANTI PIETRO E PAOLO DI GUIDIZZOLO]
[f. 224v] Die 18 martii suprascripti anni
Visitavit ecclesiam parochialem Sanctorum Petri et Pauli loci Guidicioli et
deinceps intra eius fines ecclesiam, oratoria et scholas infrascriptas. Quae
quidem de anno 1508 a summo pontifice foelicis recordationis Paulo II unita
fuit monasterio monachorum Sanctae Mariae de Gradario Mantuae,
simul cum omnibus suis iuribus, redditibus et annexis cum conditione quod
ipsi monaci tenentur sustinere vicarium perpetuum cum mercede congrua,
qui subiret omnia onera parochialia suprascriptae ecclesiae. De consecratione
huius ecclesiae non constat. Est incapax populi. Sanctissimum Sacramentum
assidue asservatur cum lampade perlucente impensis monachorum
Sanctae Mariae de Gradario. Baptisterium adest, sed incongruum.
Altaria quatuor adsunt: altare Beatae Mariae Virginis cum schola Rosarii;
altare Sancti Ioannis Baptistae cum cappellania de iurepatronatus familiae
de Cepatinis ut dicitur ex dotatione dotata redditu annuo ducatorum
14 cum onere celebrandi quinque missas in hebdomada; cappellanus titularis
est Gerardus de Puianis loci Guidicioli, annorum 24, acolytus, qui
docuit legitime de titulo beneficii et ordinibus, praedicto oneri non satisfacit
sed asserit binas missas in hebdomada celebrari fecisse per diversos
sacerdotes ex reductione facta per vicarium reverendissimi ordinarii, habitat
in domibus propriis; altare Sanctissimi Sacramenti cum schola sub
eodem titulo quae ex devotione in eo celebrare facit missam conventualem
secunda dominica cuiuslibet mensis et die sequenti officium pro mortuis.
Coemeterium patet etiam bestiis.
Sacristia adest suppellectilique sacra fere destituta in qua laici ad eorum
libitum tempore divinorum offitiorum arma deponunt vaganturque. Idem
quandoque in choro evenit.
261