san carlo 2 bassa bresciana.qxd - Brixia Sacra

BASSA CENTRALE
firmentur. Computa reddantur cum interventu reverendi praepositi vel
alterius ab episcopo deputati. Missa singulis mensibus nomine dictae scholae
cantetur.
Pro Consortio
Eleemosinae huius consortii ne singulis familiis [f. 155r] aut singulis ex
populo nullo habito delectu distribuantur, qui contrafecerit privatus sit
ipso facto ea administratione, tum duplum consortio restituere teneatur,
aliamque poenam subeat arbitrio reverendissimi episcopi, etiam interdicti
ab ingressu ecclesiae, sed tantum vere pauperibus dentur; qua in re diligentia
adhibeatur ut delligantur probi viri qui aut a praeposito aut una cum eo
aliunde inquirant et explorent diligenter 2 unius cuiusque inopiam, atque iis
tantum et non aliis eleemosina tribuatur ab iis ad quos spectat, quemadmodum
eorum necessitas postulare videbitur. Si quae tamen pia legata
expresse iubent dari indistincte eleemosinas singulis familiis vel hominibus
aut dari tantum iis qui de communitate sunt, ea intra mensem exhibeantur
reverendissimo episcopo, ut ipse pro suo munere statuat quid censuerit
pro integra executione piae voluntatis. Rationes singulis annis reddantur
ad praesentiam vicarii foranei, vel alterius quem reverendissimus episcopus
constituerit ad praescriptum concilii Tridentini.
In ecclesia Sanctae Mariae praepositurali
Altare maius aliquantulum deprimatur et ad formam reducatur. Gradus
bradellae ad minorem numerum reducantur et ad formam accomodentur.
Crucifixus sub arcu cappellae apponatur. Alia altaria quatuor, duobus
sublatis, reducantur ad illa [f. 155v] duo, quae sunt in capite ecclesiae, et
eorum bradellae ad formam reducantur, cancellisque sepiantur. Capceli
superponantur intra quatuor menses. Labra aquae sanctae decentiora fiant,
eorumque pedes e lapide solido sint. Haec omnia fiant impensis praepositi,
cappellani vero coadiutores in cura aliquid etiam conferant pro rata reddituum,
si ita probatae consuetudinis ipse episcopus compererit; fiant vero
sequestra opportuna fructuum praepositurae.
Corvioni. In oratorio Sanctae Apoloniae
Illustrissimus cardinalis Gambara, ac illustri comites Gambarae omni pietate
incumbant huic oratorio condecentem constituere dotem ad unius curati in
133