san carlo 2 bassa bresciana.qxd - Brixia Sacra

BRIXIA SACRA
obturentur et humo impleantur, ne in posterum usui sint. Confessionalia
duo ad formam praescriptam infra duos menses habeantur, et loco congruo
reponantur. Labra duo aquae sanctae decentia e solido lapide fiant,
quae intus ecclesiam reponantur. Sacristia construatur cum oratorio,
lavatorio, armario et aliis ad formam instructionum ubi est ostium prope
campanas inter campanile et primam culumnam; ostium vero in ecclesia
ad usum populo aperiatur immediate post sacristiam, idque totum
impensis populi.
Caemiterium ecclesiae, praesertim quod est a meridie et occidente,
sepe saltem dividatur a vinea ibi plantata in ripa fossi castri, impensis
archipresbiteri et populi infra tres menses. Vites et arbores etiam frugifere,
quae sunt in caemiterio termino decem dierum incidantur sub poena
archipresbitero decem scutorum. Amoveatur 2 sumptu populi paululum
terrae a caemiterio, ita ut ne superet cappellae pavimentum, ne humiditas
penetret, ea vero terra collocari poterit in ripa pendenti. Archipresbiter
per se ipsum omnia et singula munera curae animarum huius exerceat et
nihilominus attento numero animarum [f. 117r] decernitur coadiutorem
etiam idoneum perpetuo ex fructibus huius archipresbiteralis praebendae
manutenendum. Clericus idoneus, qui ei in ecclesia inserviat, et in habitu
et tonsura semper incedat, sustineatur. Domus archipresbiterales infra
biennium reparentur. Dominus Bernardinus Bottus obligatus ad celebrationem
missae quotidianae 3 in hac ecclesia ex legato quondam domini presbiteri
Sancti de Bottis, et qui ab anno citra non satisfecit ad satisfacendum
cogatur, et pro praeterito et in futurum summarie etiam ex officio,
propositis etiam poenis censurisve etiam interdicti 4 ingressu ecclesiae
arbitrio reverendissimi episcopi.
Schola Sanctissimi Sacramenti regulas sumat ad usum comunem provinciae
Mediolanensis aedendas pro scholis Sanctissimi Sacramenti. Scholares
magis frequentes sint circa Sanctissima Sacramenta confessionis et
eucharistiae. Missa conventualis, quae ex instituto confratrum huius scholae
dici solet celebretur ad altare maius tertia dominica cuiuslibet mensis.
Reverendus dominus Leccamus, ut asseritur, reservatarius fructuum huius
archipresbiteralis ecclesiae intra XV dies bullas suae reservationis exhibeat.
In oratorio Sancti Rochi contiguo domui parochiali
Altare tollatur infra tres dies, nec in eo amplius celebretur.
12