san carlo 2 bassa bresciana.qxd - Brixia Sacra

BASSA ORIENTALE
dominam Ludovicam de Caifanis vendatur, et ad perficiendam dictam
fabricam expendatur. [f. 230v] Presbiter Laurentius de Ravanis restituat
fructus perceptos ex bonis spectantibus ad dictam ecclesiam a die quo detinet
dicta bona, cum oneri trium missarum non satisfecerit et alia onera
incompatibilia habeat, cogaturque ad id summarie. In posterum satisfiat
dicto oneri trium missarum per hebdomadam, diebus festis videlicet et
duobus diebus ferialibus, nisi reductae sint in ecclesia Sancti Andreae
donec in ipsa ecclesia Sanctae Mariae celebrari poterit.
In ecclesia Sanctae Mariae de Barchis
Familia Barchorum necessariam reparationem in ecclesia Sanctae Mariae
praestent, et praesertim haec infrascripta. Fenestris telaria adhibeantur, et
capella cancellis ligneis sepiatur. Altare ad formam redigatur. Coemiterium
muro cingatur ipsius communitatis impensis. Canonicus nuncupatus Sancti
Petri pro tempore celebret in dicta ecclesia et in ea ministret omnia sacramenta,
excepto baptismi sacramento, et semper pernoctet ibidem, ut antiquae
et praescriptae consuetudinis est, idque sub poena scutorum 50 locis
piis applicandorum, et privationis, aliisve arbitrio ordinarii.
Cum vero redditus eiusdem canonicatus ita tenues sint, ut vix, ac ne vix
quidem, satis sint pro sustentatione canonici, qui die ac nocte residere
debet in eodem loco pro animarum curatione et sacramentorum ministratione,
compellantur a reverendissimo episcopo homines, praepositis etiam
censuris ecclesiasticis ad aedificationem aedium, quae omnino inhaereant
ecclesiae ad usum canonici eiusdem curati, et interim sumptibus hominum
conducantur. Onus item erit praedictorum hominum reparare perpetuo
dictam ecclesiam Sanctae Mariae, ad eamque [f. 231r] formam redigere, ut
in illa commode parochialia munia exerceri possint, ac omnia alia providere,
quae necessaria sunt pro sacramentorum ministratione.
In hac ecclesia baptismi sacramentum in posterum, cum a parochiali
duobus miliaribus distet, et propter aquarum inundationes, et infantibus
etiam periculosus sit ad parochiam accessus sacramenti baptismi percipiendi
gratia, sanctissima etiam eucharistia ibidem in perpetuo servetur, ut noctu
etiam pro viatico prompte aegrotis ministrari possit sine impedimento,
cum noctu moenia ingredi non liceat. Fiat tabernaculum ligneum decens
cum pixide pro asservando Sanctissimo Sacramento, quod continuo retineatur
cum lampade accensa impensis eorundem hominum, seu societatis
351