san carlo 2 bassa bresciana.qxd - Brixia Sacra

BRIXIA SACRA
ta, et illi serviens reputetur praesens in choro. Ne fructus et redditus canonicatus,
seu praebendae derelictae a presbitero Liberali absente alicui etiam
interpreti sacrae theologiae ad praescriptum ordinationum, dum praebenda
theologalis nuper erecta vacaverit sine facultate a summo [f. 225v] pontifice
prius impetrata, assignentur. Canonici, capellanive, qui canonicatus,
praebendas, aut capellanias in mensibus Sedi apostolicae reservatis vacantes
ab archipresbitero impetrarunt, si trium mensium spatio novas provisiones
non obtinuerint, dictis canonicatibus, praebendis ac capellaniis ipso
iure privati existant. Si patroni de Daynis capellaniae ad altare Sancti Rochi
termino sex mensium tertiam vocem eligendi, praesentandive ex praescripto
ordinationum a Sede apostolica non obtinuerint, capellamve non construxerint,
alteri ex eadem familia aut extera dicta capella concedatur.
Cum ex praescripto concilii Tridentini ministri huius ecclesiae etiam
exempti ad synodum diocesanam convenire teneantur, reductionem onerum
missarum vi legatorum in synodo facienda, petant a reverendissimo
episcopo, ad praescriptum eiusdem concilii Tridentini. Archipresbiter in
posterum vi privilegiorum huius ecclesiae caussas criminales non cognoscat
ad praescriptum concilii Tridentini, nisi trium mensium spatio coram
praefato illustrissimo visitatore facultatem immemorabili consuetudine
sibi competere legitime docuerit. Patroni huius ecclesiae si spatio trium
mensium fructus omnes eiusdem ecclesiae dum vacaret, per se, seu alios
nomine ipsorum perceptos, dictae ecclesiae eiusque ministris non restituerint,
eos reverendissimus ordinarius summarie et de plano, vigore etiam
huius decreti dicto iurepatronatus eo ipso privatos ac censuris ecclesiasticis
irretitos ex concilii Tridentini praescripto statuat atque declaret.
In confraternitate Sanctissimi Sacramenti in ecclesia collegiata Asulae
Confratres societatis Sanctissimi Sacramenti in posterum lampadem ante
Sanctissimum Sacramentum assidue [f. 226r] ardentem simul cum alia,
quae retinetur impensis archipresbiteralis beneficii teneant. Praecipuum
etiam ipsius confraternitatis sit munus curandi, ut Sanctissimum Sacramentum
in altari maiori eo ornatu et reverentia, quam decet retineatur ex
praescripto erectionis eiusdem confraternitatis, et ut in posterum omnibus
diebus solemnibus, et iis praesertim quibus Sanctissimum Sacramentum
adorandum populo exponetur, omnis ornatus adhibeatur facibus accensis,
et quanvis altera capella et altare eidem scholae sint assignata loco altaris
346