san carlo 2 bassa bresciana.qxd - Brixia Sacra

BRIXIA SACRA
per se ipsum seu alium sacerdotem a reverendissimo episcopo probandum
satisfaciat oneri celebrandi missam omnibus diebus festis ex consuetudine,
quae in praesenti viget. Exhibeat praeterea infra mensem titulum, ac etiam
fundationem huius capellae reverendissimo episcopo, qui cognoscat de
iuribus tituli atque de oneribus eiusdem beneficii et, si quid amplius ex fundatione
eius capellaniae praestare debere cognoverit, compellat eum ad
satisfaciendum de praeteritis, et in futurum.
Provideatur de infrascriptis rebus, videlicet purificatoriis quindecim ad
formam, corporalibus tribus, scattulis seu bursis quinque pro illis asservandis,
et velis pro calicibus quinque diversi coloris pro varietate temporis.
Calix inauretur et consacretur infra mensem eiusdem titularis impensis.
Paramenta ad ornatum altaris et ad missarum celebrationem necessaria,
quae varii [f. 230r] coloris sint pro ratione temporis comparentur impensis
titularis, qui pro executione ordinationum singulis annis ex fructibus beneficii
impendat ducatorum 20 usque ad integram executionem, fiantque
sequestra et relaxa opportuna.
In oratorio Arcis
Altare saltem cancellis ligneis sepiatur, et suffita tegatur. Altare aliud versus
ianuam arcis tollatur. Fenestra, per quam introspicitur, muro obturetur.
Ostium laterale muro obturetur et construatur aliud a fronte. Pavimentum
aequetur, oratorium reparetur et ornetur.
In ecclesia Sancti Laurentii
Altare maius clathra ferrea sepiatur impensis titularis et patronorum.
Habeat crucem et candelabra duo auricalchi. Super altare appendatur operimentum,
quo ipsum altare et celebrans sacerdos contegantur, statim, et
interim non celebretur. Construatur fenestra in sacristia. Fiant duae planetae
pro diebus festis, altera viridis et altera albi coloris. Ostium, per quod
est aditus ad aedes laicales, muro obturetur infra tres dies, alioquin in dicta
ecclesia non celebretur donec factum erit.
In ecclesia Sanctae Mariae de Bethleem in Asula
Fabrica ecclesiae Sanctae Mariae de Asula quamprimum perficiatur, quae
potissimum religioni et pietati communitatis commendatur. Argentum
omne ex voto piarum personarum oblatum dictae ecclesiae, quod est apud
350