san carlo 2 bassa bresciana.qxd - Brixia Sacra

BASSA CENTRALE
Octavius de Trivelennis cum Angela de Farengho, praefatus Octavius promissit
sub poena aureorum 100 et excomunicatus in subsidium dictam
Angelam omnino missam facere. Magdalena de Qualiis meretrix cui factum
fuit praeceptum sub poena fustigationis et exilii ac excomunicationis in
subsidium, ut abstineat ab inhonestis comerciis. Margarita de Maschis
meretrix publica quae promissit sub poena fustigationis et exilii abstinere ab
inhonestis consuetudinibus. Non comunicati in Paschate tres sunt, prout in
libro processuum. Schola Doctrine christianae exercetur.
Schola Sanctissimi Sacramenti antiqua, de errectione non constat, habet
regulam antiquam non confirmatam, scholares sunt 1500 vel circa. Regitur
per ministrum, subministrum conservatorem, sindicis duobus, procuratoribus
duobus et servitoribus duobus qui singulis annis mutantur. Redditus
annui sunt librarum quinquaginta ultra ellemosinas quae expenduntur in celebrationem
missae, in cereos, oleum pro lampade sui altaris eiusque ornatum.
Administationum rationes redduntur praesente rectore, exhibiti fuerunt libri
qui bene reguntur. Schola est item Rosarii de novo instituta, habet regulam
generalem, in ea descripti sunt scholares 1800. Nullum habet redditum praeter
ellemosinas quae in ornatum sui altaris convertuntur. Computa redduntur
praesente rectore, exhibiti fuerunt libri rationum qui bene reguntur.
Consortium adest, fundatum [f. 184v] a quondam Ioanne Rubera cum 2
assignatione scutorum centum pro initio huius operis in quo adest magna
milii quantitas, quae pauperibus mutuo datur gratis sub fideiussione usque
ad tempus messis futurae. Duo deputantur admnistratores a comunitate et
unus exactor cum mercede Marcelli unius pro salma exacta. Exhibiti fuerunt
libri ex quibus compertum est Paulum Sabadinum alias exactorem
esse debitorem dicti consortii de salmis 82 frumenti, ut etiam constat
instrumento obligationis rogato per dominum Mapheum Valasinam die
XXI 3 martii 1551 praedicto domino; Marcus Bonaventura heres praefati
domini Ioannis Ruberae tenetur ex relicto praefati Ioannis destribuere
quottannis libras ducentum pauperibus, videlicet centum in festo Paschatis
Resurectionis et centum in festo Nativitatis Domini, qui tamen Marcus
accusatur de negligentia.
Oratorium Sancti Laurentii scholae Disciplinatorum, rude, altare habet in
quo onus est missarum trium in hebdomada ex relicto quondam praesbite-
89