san carlo 2 bassa bresciana.qxd - Brixia Sacra

BASSA CENTRALE
Seniga, San Vitale
[a. Acta visitationis, ff. 186v-187r;
Brescia, XL, ff. 253r-254r]
[b. Decreta particularia, ff. 143v-145v;
Brescia, XXVII, ff. 9, 45r-47r]
[a. CHIESA PARROCCHIALE DI SAN VITALE DI SENIGA]
[f. 186v] Die XIII mensis martii suprascripti anni
Visitavit ecclesiam parochialem Sancti Vitalis loci de Senigha et deinceps
intra eius fines infrascripta oratoria et ecclesias. Quae est consecrata, ampla
et decens. In ea Sanctissimum Sacramentum assidue conservatur in tabernaculo
super altari maiori collocato, cui lampas praelucet impensis capituli
catedralis Brixiae, cui hoc benefitium dicitur unitum 1 . Baptisterium est ad
formam, altaria tria habet, videlicet altare maius, altare Corporis Domini
cum schola in quo celebratur missa quotidiana ex devotione et impensis
eiusdem schole. Cappellanus mercenarius est praesbiter Ioannes Baptista
de Barberis brixiensis, aetatis annorum 74 cum annua mercede librarum 96,
de sacerdotio docuit. Habitat in domo paterna, processatus de ludo et
piscatione ut in filo processuum.
Sacristia est imperfecta. Cimiterium est undique septum. Domus parochialis
est contigua ecclesiae mediante via publica, dirupta tamen et inhabitabilis.
Redditus annui parochialis dicuntur librarum quatuor millae, quae
percipiuntur a reverendo capitulo cathedralis Brixiae cui hoc beneficium
dicitur unitum. [f. 187r] Curatus mercenarius est praesbiter Sebastianus
Alchisius brixiensis, aetatis annorum 36, cum annua mercede ducatorum
quinquaginta quae solvuntur a dicto capitulo, legitime docuit de ordinibus.
Habitat in domo conducta. Nullum habet clericum. Animae huius curae
sunt circiter 1500, ex iis sacram comunionem sumunt 800. Concubinarii ut
inditum fuit sunt Caesar de Laude, Ioannes Maria Grossus, Marcus Pancaralus.
Schola Doctrinae christianae exercetur.
Schola Sanctissimi Sacramenti est antiqua, habet regulam antiquam non
confirmatam. In ea descripti sunt scholares 200 vel circa. Regitur a ministro,
tribus sindicis et massario qui non mutantur. Redditus annui sunt circiter 80
99