san carlo 2 bassa bresciana.qxd - Brixia Sacra

BRIXIA SACRA
illius temporis, quarum in officiales de ipsis confratribus eligebantur, qui in
principio administrationis iuramentum praestabant; pia onera quaedam
alias sustinebant, ut in dictis regulis exhibitis constat, sed in presenti non
servantur. Ex praefatis 4 litteris est penitus correctioni et visitationi ordinarii
subiectum, ut latius constat per visitationem et sententiam latam a
quondam Silvestro Bonarencio canonico brixiensi commissario et visitatore
de anno 1477 rogatam 5 per quondam Ioannem Antonium de Santinis de
Claris brixiensem notarium episcopalis curiae in carta membrana ab ipso
consortio in actis visitationis exhibita. Congregationes suas faciunt in ipsa
ecclesia Sanctae Mariae. Regitur per thesaurarium et tres ratiocinatores a
consilio communitatis delectos; thesaurario pro laboris mercede dantur
ducatos 12, cuilibet ratiocinatori ducatus unus et notario ducati tres.
Habet redditus annuos librarum circiter 1085, praedicti reditus impenduntur
in stipendium cappellani et clerici ut supra, [f. 223v] reliquum in eleemosynis,
victum et medicinas et in dotatione puellarum ac in alia opera
misericordiae erga pauperes; si in fine anni aliquid ex redditibus superest id
collocatur aliqua proprietate ad usum consortii ipsius. Rationes administrationis
singulis annis redduntur reverendo praeposito.
Oratorium Sancti Ioannis Disciplinatorum, angustum sed satis decens
cum alio oratorio superiori, quo scholares conveniunt ad orandum, habet
unicum altare in quo raro celebratur, item sacristiam parvam et aedes ad
usum praedicatoris supra dictum oratorium. In hoc oratorio est schola
Disciplinatorum antiqua, de cuius erectione non constat. Regulas sed non
comprobatas habet, regitur a ministro et decem consiliariis qui ad praescriptum
mutantur. Habet redditus annuos librarum 56 quae impenduntur
in reparationem et ornatum oratorii, in celebrationem missarum et in eleemosynas;
libri administrationis sine ordine describuntur, administrati
muneris rationes 6 singulis annis dantur reverendo praeposito vicario foraneo;
comessationes fiunt a scholaribus praesertim letaniarum tempore.
Oratorium illustrissimi Domini sub schola in ingressu pallatii, incongruum
cum unico altare parvo.
Ecclesia Sanctae Mariae Annunciationis heremi fratrum Heremitarum
Sancti Augustini de observantia extra oppidum sita, est consecrata, quae
248