san carlo 2 bassa bresciana.qxd - Brixia Sacra

BRIXIA SACRA
sepiant clathris ferreis. Dominicus de Gattis satisfaciat oneri duodecim officiorum
singulis annis, et perpetuo eiusdem familiae de Gattis onus sit ornare
dictum altare omnibus rebus necessariis, [f. 249r] videlicet cruce, candelabris
saltem duobus auricalchi, palio vero; si vero hoc facere recusaverint,
tollatur hycona et capella praedicta sit ad usum societatis Corporis Christi.
Construatur capella e regione capellae Sanctorum Faustini et Iovitae
versus aedes parochiales in qua transportetur altare et hycona Sanctae Sabinae.
Sepulturae omnes in dicta ecclesia redigantur quo ad operimentum 1 ad
formam praescriptam instructionis intra duos menses, alioquin muro et
humo obturentur, nec in ecclesia celebretur, quo ad decretum hoc exequutioni
mandatum fuerit. In sacristia provideatur de infrascriptis rebus, videlicet
vase pro obluendis purificatoriis, quatuor velis pro calicibus et totidem
sacculis pro corporalibus asservandis, quae sint varii coloris, ut temporum
varietas requirit. Item de baldachino seu umbella pro deferendo
Sanctissimo Sacramento in processionibus et ad infirmos impensis societatis
Corporis Christi. Tabernaculum gestatorium ad formam redigatur.
Ecclesiam reparare, eique ornamenta aliasque res necessarias providere,
quemadmodum antiquae consuetudinis est, ad homines loci pertinet, cum
praesertim ecclesiae proventus sint admodum tenues. Itaque in posterum
universi, etiam Venetorum ditioni subiecti, praedicta onera per capita
subeant. Teneatur clericus, qui idoneus sit, et semper incedat in habitu
sumptibus curati et populi pro rata ob ecclesiae fructuum tenuitatem.
In ecclesia Sanctae Mariae Disciplinatorum
Bladae cuiusuis generis in posterum super oratorio minime teneantur. Ne
commessationes fiant amplius. [f. 249v] Eleemosinae, quae propter funeralia
fiunt confratribus, non ipsorum sed scholae sint. Eleemosinae erogentur
pauperibus tantum vere indigentibus, qui probati sint a deputatis, fiatque
schedula eleemosinae, quae cuique tribuenda erit, eaque ad thesaurarium
allata tradatur, deinde eleemosinae ad illius praescriptum. Habeant regulas
ad universae provinciae Mediolanensis usum editas, illasque servent.
In ecclesia Sanctae Mariae Campibonelli
Dominus Camillus Capilupus praetensus titularis intra quatuor menses
exhibeat in actis visitationis litteras et titulum, quo teneat dictum beneficium,
nec non litteras reservationis fructuum factas ad favorem presbiteri
388