san carlo 2 bassa bresciana.qxd - Brixia Sacra

BASSA ORIENTALE
Altare Sancti Rochi erectum a communitate in quo se voto obstrinxit de
celebrare faciendo unam missam in qualibet hebdomada suis impensis, cui
oneri satisfit per diversos sacerdotes secundum opportunitatem et pro
mercede constituit libras 100 in anno. Altare Sanctissimi Sacramenti cum
schola sub eodem titulo, in quo est legatum annuum librarum 170 vel circa,
relictum a quondam Gelmino de Comite cum onere celebrandi unam
missam in hebdomada, cuius cappellanus ex consuetudine, ut dicitur, coadiuvabat
in cura animarum. Huic oneri celebrationis non satisfit a duobus
annis citra et fructus implicati fuere in proprietate praedicto altari 4 . Altaria
reliqua indotata.
Coemiterium est septum parietibus. Sacristia adest. Domus archipraesbiterales
distant ab ecclesia ad iactum lapidis, sunt sitae intra moenia
castri Carpeneduli. Aliae domus sunt ad usum colonorum. Fabrica ecclesiae
nullos habet redditus, ad eam contribuunt archipraesbiteri et communitas
ad libitum. Redditus archipraesbiterales annuatim ascendunt ad
summam scutorum circiter 200. Archipraesbiter titularis est reverendus
Leonidus de Pizzonibus loci Carpeneduli per translationem olim enim
erat titulus in ecclesia Sanctae Mariae Annunciationis. Est sacerdos et
docuit legitime tam de eius ordinibus quam etiam de titulo beneficii et
scientia satis idoneus. De moribus bene audit et habitat in domibus archipresbiteralibus.
Non habet clericum. Animae sunt circiter 3000, quae
sacram communionem sumunt sunt 2300. Schola Doctrinae christianae
exercetur ad institutum.
[f. 228r] Schola Sanctissimi Sacramenti antiquitus, ut dicitur, instituta.
Est sine regulis approbatis. Regitur a massario et tribus sindicis qui singulis
annis mutantur. Habet redditum annuum librarum 88 septuaginta vel
circa ex legato relicto a quondam Gelmino de Comite cum onere etc. ut in
statu ecclesiae. Scholares ex eleemosynis ornatum necessarium parant
praedicto altari. Computa administrationis singulis annis inter ipsos confratres
sine interventu archipresbiteri fiunt. Fuit visitata a reverendissimo
episcopo Bollano ordinario.
Ecclesia Sanctae Mariae archipresbiteratus nuncupata
Haec ecclesia erat parochialis et adhuc retinet titulum archipresbiteratus, sed
cum distet ab oppido Carpeneduli uno miliari, cura animarum cum redditibus
translati fuerunt in ecclesiam Sancti Ioannis Baptistae praedicta[m].
275