san carlo 2 bassa bresciana.qxd - Brixia Sacra

BASSA ORIENTALE
Fiat archivium in sacristia, vel alio loco in aedibus, in quo asserventur
scripturae et iura et privilegia, ac exactiones ecclesiae et capellaniarum aliaeve
scripturae, quae in posterum fiant ad ecclesiam spectantes, quod archivium
duabus muniatur clavibus, altera sit apud reverendum archipresbiterum
et altera apud canonicum a capitulo deputatum. Interea vero scripturae
et privilegia in aliqua arca conserventur, quae duabus clavibus ut supra claudatur,
et claves sint apud praedictos archipresbiterum et canonicum.
Agatur contra reverendum Liberalem canonicum huius ecclesiae ob
absentiam multorum annorum ad poenam amissionis fructuum ac etiam ad
privationem ad praescriptum concilii Tridentini. Idem fiat cum illustri et
reverendo abbate Lypomano nisi infra duos menses ipse sua sponte dimittat,
ut speratur. Presbiter Bertonus de Daniis, et Ioannes Antonius Marcha
canonici, qui praebendas et canonicatus sine expressione oneris coadiuvandi
in cura animarum contra eorum erectiones et ecclesiae privilegia obtinuerunt,
infra tres menses novas obtineant provisiones ac de eis legitime
doceant coram illustrissimo domino domino visitatore, quo termino elapso
dictis canonicatibus et praebendis ipso iure [f. 223v] privati remaneant,
nec non fructus omnes male perceptos a die collationis restituant, qui reparationi
aedium canonicalium applicantur.
Fulchinus canonicus in posterum domum suam canonicalem habitet,
incipiatque termino trium mensium, ac deinde perseveret, alioquin eo termino
elapso praedicta domus sit ad usum alterius canonici coadiutoris in
animarum curatione, qui habitet absque aliqua mercede sine praeiudicio
iurium dicti Corporis Christi applicandorum.
Presbiter Bertelinus de Daniis, Ioannes Antonius Marcha, Baptista de
Bevilacquis, Ioseph de Federicis, qui onus habent coadiuvandi archipresbiterum
in animarum curatione, vigore suorum canonicatuum non exerceant
curam donec obtinuerint legitime dictos canonicatus, sub poena suspensionis
ipso facto incurrendae. Reverendus archipresbiter libros prohibitos
auctoritate Sancti Officii sibi ut dicitur traditos, termino octo dierum reverendissimo
ordinario seu inquisitori Brixiae consignet, sub poenis et censuris
libros prohibitos retinentibus inflictis. Presbiter Archadius Testa et
Laurentius Rovanus, qui ex caussis publice notis per quindecim dies sancto
altari non ministrent, missae sacrum non faciant sub poenis suspensionis
ipso facto incurrendae et scutorum 25 scholae Corporis Christi applicandorum,
et per annum oppidum Asulae non habitent, neque audeant per
343