san carlo 2 bassa bresciana.qxd - Brixia Sacra

BRIXIA SACRA
dinis fuisse repertum est. Ne in posterum erogent pauperibus redditus et
fructus praedicti legati, sed de illis omnino satisfiat oneri dictae missae.
Archipresbiter teneat clericum ex fructibus beneficii, qui idoneus sit et semper
in habitu incedat. Alius clericus teneatur sumptibus capellae Conceptionis
Beatae Virginis Mariae, et societatis [f. 195v] Corporis Christi, qui a reverendissimo
episcopo probatus sit, et semper in habitu et tonsura incedat.
Pro sacristia
In sacristia a parte orientali oratorium et lavatorium ad formam construatur.
Ostium sacristiae construatur in medio inter altare maius et ingressu capellae.
Provideatur de purificatoriis 40 ad formam, de corporalibus quatuor cum
suis sacculis et velis varii coloris pro ratione et varietate temporum. Fiat planeta
nigri coloris, cum suis dalmaticis, pluviali et aliis ad paramentum integrum
consequentibus. Ne laycis amplius in sacristiam, praesbiterium et chorum
ingredi ullo modo liceat, tempore tamen divinorum officiorum.
In ecclesia Sanctae Mariae olim parochiali
Altare redigatur ad formam praescriptam, et cancellis saltem ligneis sepiatur.
Pavimentum aequetur, parietesque intus dealbentur et foris incrustentur.
Locus, qui inhaeret ecclesiae a latere meridionali ad formam sacristiae
reducatur, et ad alium finem non inserviat, quam ad suppellectilem ecclesiae
asservandam.
In ecclesia Sancti Petri Martyris
Pavimentum eminentius tollatur et aequetur. Tectum tegulis et tabulis
ligneis suffulciatur. Altare redigatur ad formam et saltem cancellis ligneis
sepiatur. Intus dealbetur et foris incrustetur. Fiat campanile, super quo
etiam ponatur campana. Titularis pro tempore satisfaciat oneri adiuvandi
archipresbiterum in cura animarum, [f. 196r] iuxta usum et consuetudinem,
ut dicitur, praescriptam.
In ecclesia Sancti Ioseph eiusdem Carpeneduli
Petra sacrata habeatur ad formam. Fiant purificatoria quindecim, et corporalia
duo cum suis sacculis ad formam comparentur. Planeta cum reliquis
paramentis, quae ad celebrationem necessaria sunt, diebus festis ad formam
emantur impensis patronorum, qui necessaria etiam agant, tum ad
280