san carlo 2 bassa bresciana.qxd - Brixia Sacra

BRIXIA SACRA
Altare Sanctorum Hieronimi et Firmi iuxta parietem in capite ecclesiae
destruatur infra biduum et aliud aedificetur in capite brachii crucis ecclesiae
ab eodem latere septentrionali, sub nomine scholae Disciplinatorum,
orneturque, tegatur et claudatur ad formam clathris ferreis, et pro eo sacra
indumenta necessaria comparentur impensis eiusdem societatis, quae iam
nunc transfertur ad dictum locum.
Altare Sancti Iohannis Baptistae in capite ecclesiae ad orientem a latere
meridionali destruatur, et reaedificetur in altero capite brachii crucis ecclesiae
ab eodem latere meridionali [f. 215v] altare Corporis Christi, impensis
scholae Corporis Christi, quae iam nunc ad eum locum transfertur, orneturque
altare et tegatur ad formam, et claudatur clathris ferreis. Quod ex
legato domini Antonii de Salis, seu fundatione canonicatus coadiutoralis
presbiteri Petri Mangini erat expendendum in altari construendo, illud in
altari scholae Sanctissimi Sacramenti exornando ponatur; archipresbiter
vero infra XV dies arbitratu suo statuat summam impensae faciendae.
In eodem altari in posterum satisfiat oneri unius missae conventualis in
singulos annos cum decem sacerdotibus per eundem testatorem relicto
impensis eorum qui id ex voluntate testatoris praestare debent; canonicus
vero titularis, qui antehac non satisfecit, infra annum solvat ducatum unum
pro singulis annis, quibus minime satisfactum est, illudque in ornatum eiusdem
altaris conferatur. Reverendissimus ordinarius etiam uti exequutor
ultimarum voluntatum medio iure cognoscat quot officia mortuorum
canonici impensis ex praedicto testamento celebranda sint, eaque tum pro
tempore praeterito tum pro futuro, eiusdem reverendissimi episcopi iudicio,
in eodem altari celebrentur.
Presbiter Petrus Mangerius cum missam, quae nomine familiae Bocalinis
in dicto altari Sancti Iohannis Baptistae quinquies in hebdomada celebrari
solita erat, toties non celebraverit propter aliud canonicatus, quibus
utrisque satisfacere non potest, fructuumque quos nomine percepit medietatem
restituat, ex quibus praesente archipresbitero paramenta ad usum
eiusdem missae et altare Corporis Christi, in quo de hinc celebrabitur,
comparentur. Huic altari schola reliqua indumenta sacra pro missa celebranda
ad praescriptum instructionum comparet, cumprimum poterit, ubi
satisfecerit impensis pro decoro Sanctissimi [f. 216r] Sacramenti faciendis.
Tollantur infra 15 dies reliqua omnia altaria ecclesiae videlicet Conceptionis
Beatissimae Virginis, Sancti Rochi, Sanctorum Philippi et Iacobi,
332