san carlo 2 bassa bresciana.qxd - Brixia Sacra

BASSA ORIENTALE
Archipresbiter ipse, et canonici coadiutores, curative ne absint a sua
residentia in cura animarum exercenda sine scripta facultate reverendissimi
episcopi, eiusve cui ille hanc auctoritatem dederit, caeterisque servatis,
quae decretis Tridentini et provincialibus de curatorum absentia sancita
sunt, ne vero ipsi, eo excepto qui foris in loco Barchi resideat, extra oppidum
pernoctent, insciente et non permittente archipresbitero, qui tunc alia
ratione provideat repentinis populi necessitatibus ministerio canonici qui
foris pernoctatur.
In posterum vacante aliquo canonicatu et praebenda curata, coadiutorialive
eiusdem ecclesiae providendi quacunque auctoritate ad praescriptum
concilii Tridentini coram episcopo et examinatoribus in synodo diocesana
Brixiensi deputatis examinentur ac probentur, idoneo neque ulli sine
ea probatione fiat collatio canonicatus et praebendae eiusmodi, etiam ab
archipresbitero, ad quem ex privilegiis, consuetudineque spectat dictos
canonicatus et praebendas conferre. Caveat vero archipresbiter, ne canonicatus
et praebendas, aliaque beneficia etiam non curata, nec coadiutoralia
in hac ecclesia vacantia in mensibus reservatis sanctissimo papae, aut aliter
[f. 222r] quovismodo conferat aut provideat contra praescriptum litterarum
aut reservationum apostolicarum, nisi de hoc novam facultatem, aut
declarationem impetrarit.
Cum vero canonicatum, seu canonicatus, et praebendas Sanctae
Agathae et Sancti Ioseph vacare contigerit, non admittatur in posterum ab
archipresbitero, cui ex erectione et consuetudine dictorum canonicatuum
institutio competit, nisi is, qui a communitate praesentatus et a deputatis
in synodo examinatus a reverendissimo episcopo approbatus fuerit ad
praescriptum eiusdem concilii Tridentini.
Canonici, caeterique ecclesiastici ordinis doctrinae christianae scholis,
quae a viris fiunt intersint, adiuventque eos in pueris, aliisque docendis.
Qui vero ad confessiones audiendas approbati sint in eam curam diligenter
incumbant, ut ad poenitentiae sacramentum ea etiam occasione plures
inducant, atque adeo etiam eo ipso tempore et virorum et foeminarum
confessiones libenter audiant, in utrisque etiam scholis, qui ad id probati
sunt, aliquando sermones et cohortationes faciant.
Cum canonicatus Sanctae Agatae et Sancti Ioseph ex devotione communitatis
cum reservatione iurispatronatus erectis et constitutis auctoritate
apostolica administratio et coadiuvatio curae animarum annexa sit, cui
341