san carlo 2 bassa bresciana.qxd - Brixia Sacra

BASSA CENTRALE
re qui singulis annis mutantur. Redditus annuos habet librarum ducentum
praeterea elleemosinas quae expenduntur in celebrationem missae, cereos
et ornatum altaris et in pauperes sublevandos; computa non dantur, exhibuerunt
libros rationum qui bene reguntur.
Mons pietatis adest, cuius institutum est mutuo dare granum pauperibus
sub fideiussione usque ad messem futuram. In eo adsunt salmae sexaginta
milii et frumentatae ut dicitur. Regitur a tribus deputatis per comunitatem,
qui singulis quatuor annis elliguntur; exhibiti fuerunt libri in quibus recte
administrationes describuntur.
Oratorium vel 5 ecclesia Sanctae Mariae Ripae Olii campestris, in qua
nonnullae reliquiae sacrae, altare solum habet in cappella fornicata, dotatum
cum onere missae quottidianae. Redditus annui sunt librarum centum
triginta praeterea ellemosinas 6 . [f. 201r] Titularis est reverendissimus episcopus
Torcellarum, qui satisfacit per fratrem monasterii Misericordiae
Pontis Vici ordinis Heremitarum Sancti Augustini. Campanille nullum nec
sacristia. Paramenta servantur in arca lignea.
Ecclesia campestris Sancti Andreae archipraesbiteratum et plebs nuncupata,
et quae alias erat parochialis, ut fertur, non est consecrata, cum sit
restaurata a reservatario, est ampla, altare solum habet. Annui redditus
sunt descripti in visitatione Sancti Thomae. Sacristia non adest. Cimiterium
undique apertum. In ea celebratur die eius festo.
Oratorium Sanctae Mariae et Sancti Francisci Disciplinatorum prope
ecclesiam Sancti Thomae parvum, habet altare ligneum ammovibile, redditus
nullos habet, chorus pensilis est supra portam maiorem in quo scholares
conveniunt. Schola est antiqua et est sub schola Disciplinatorum civitatis
Brixiae, habet regulas ad usum provinciae Mediolanensis editas, gestant
habitum album, scholares sunt numero 22 qui quottannis solvunt marchetos
4 pro singulo, comessationes feria quinta hebdomadae sanctae habent.
Regitur a priore, subpriore, ministro novitiorum, massario, regulatore,
procuratoribus et aliis qui singulis annis mutantur. Redditus annuos habet
scutorum sex vel circa praeterea elleemosinas quae expenduntur in cereos
et ornatum oratorii; administrationum rationes redduntur praesente rectore.
Visi fuerunt libri qui bene reguntur.
159