san carlo 2 bassa bresciana.qxd - Brixia Sacra

BASSA ORIENTALE
tur iniunctum fuisse unius missae quotidianae celebrandae onus in hac
ecclesia Sanctae Mariae, seu in ecclesia Sanctae Aphrae civitatis Brixiae,
quibus iuribus visis reverendissimus ordinarius statuat quod iuri et rationi
convenerit, et interim satisfaciat oneri ad altare maius dictae ecclesiae Sanctae
Mariae Montis Clari.
Archipresbiter sciat munus curationis animarum huius loci praecipuum
esse archipresbiteratum, ideo illud semper omni diligentia praestabit, ut
infirmos visitet, dissidias componat, verbum Dei praedicet, confessiones
audiat, extremam unctionem ministret, et alia parochialia munera subeat.
In posterum archipresbiter sacerdotes duos perpetuo teneat idoneos ab
ordinario ad curam animarum exercendam approbatos, uti hactenus retinere
consuevisse in visitatione compertum est, qui una secum curae onus
subeant atque sacramenta ministrent, eisque congruam mercedem ordinarii
iudicio praestabit. [f. 185r] Ipsius vero reverendissimi episcopi erit, ut
illi oneri commodius satisfiat, coadiutorias duas perpetuas quamprimum
erigere, ex bonis stabilibus archipraebendae certas et congruas portiones
pro sustentatione vitae duorum sacerdotum, quibus in titulum conferantur,
assignet. Teneatur clericus ex fructibus beneficii, qui idoneus et in
habitu et tonsura incedat. Alius sit idoneus clericus, qui teneatur sumptibus
capellanorum etiam mercenariorum, et societatum.
Reficiantur aedes parochiales ad usum archipresbiteri, et duorum coadiutorum
et clericorum penes ecclesiam a parte septentrionali in locis quae
inhabitantur a massariis bonorum ecclesiae, quae ita coniunctim constructae
sint ut ostium maius omnibus commune sit; quod aedificium fiat ex
fructibus beneficii, et interim archipresbiter conducat aedes consortii, coadiutores
vero habitent in aedibus parochialibus sitis infra moenia castri.
Presbiter Bartholomeus Franchinus conductor aedium consortii inhaerentium
coemiterio infra decem dies relinquat libere dictas domos, quae sint
ad usum archipresbiteri cum pensione per eum solvenda consortio, et quia
nullam pensionem praedictus Bartholomeus decem ab hinc annis solvit,
consortio unius mensis solvat libras centum planetarum pro pensione procuratoribus
eiusdem consortii, quae impendantur in restituendis dictis
aedibus. Relinquat possessionem emptam a Lafranco de Franchinis pupillo,
cum pacto retrovendendi, dummodo infra octo annos non solverit, et
fructus de praeterito percepti in sortem principalem computentur. Relinquat
item seram unam aquarum, quae olim erat eiusdem ***, cum non con-
217