san carlo 2 bassa bresciana.qxd - Brixia Sacra

BASSA ORIENTALE
brandi quotidie, cui oneri satisfit; cappellanus amovibilis est presbiter Caesar
de Martinellis loci Capriani, annorum 28 qui docuit legitime de eius
ordinibus et habitat in domibus conductis.
Aliud legatum ducatorum decem in anno relictum a quondam praesbitero
Sebastiano Iordanino supradicto de anno 1531 die 16 maii cum onere
celebrandi tres missas in hebdomada perpetuo, ut constat instrumento
rogato a quondam Ioanni Francisco de Fezardis, quod legatum solvitur ab
infrascriptis executoribus testamenti, in quo testamento exhibito prefatus
testator instituit pauperes Castillioni haeredes omnium eius bonorum et
constituit commissarios nominatos in testamento et ipsis decedentibus
alios deligendos a communitate successive usque in perpetuum. Commissarii
de praesenti existentes recte in dispensatione dictae haereditatis, ut
ipsi asserunt et ab aliis dicitur, voluntatem testatoris exequuntur; cappellanus
amovibilis dicti legati est praesbiter Bernardinus Iordaninus loci
Castillioni annorum 50 sacerdos qui docuit legitime de ordinibus et habitat
[f. 211r] in domibus propriis, scientia pro munere quo fungitur debilis.
Caemiterium parietibus septum habet tamen aditum sine clausura a parte
occidentali quo scholares Disciplinatorum transeunt ad ecclesiam Sanctae
Mariae. Sacristia decens et organa adsunt. Domus archipraesbiteralis
ecclesiae annexa et satis commoda. Ad fabricam ecclesiae contribuit archipresbiter
tum communitas ad utriusque libitum. Redditus annui archipresbiterales
sunt ducatorum 150 vel circa. Archipresbiter titularis et residens
est reverendus praesbiter Ioannes Iacobus Pastorius annorum 46, sacerdos
qui docuit legitime de eius ordinibus et titulo beneficii, scientia idoneus in
munere suo et bonis moribus, residet in domibus archipresbiteralibus et
habet clericum sibi in divinis inservientem. In ecclesia praedicta functiones
ordinum exercent infrascripti, videlicet Faustus Pastorius loci Castillioni,
annorum 24, diaconus, docuit legitime de eius ordinibus et bene audit ut
dicitur; Petrus de Cattaneis eiusdem loci annorum 26, exorzista, qui docuit
legitime dei eius ordinibus; Ioannes Baptista Bonettus eiusdem loci annorum
23, hostiarius qui docuit de eius ordine. [f. 211v] Animae sunt circiter
4000 quae ex his sumunt sacram communionem 2500. Hic populus frequenter
et devote in ecclesia versatur et timorem Domini habere videtur.
Schola Doctrinae christianae ad institutum exercetur.
Schola Sanctissimi Sacramenti, fundata iam multis annis et erecta ut
dicitur. Non habet regulas praescriptas. Regitur a duobus officialibus, mas-
201