san carlo 2 bassa bresciana.qxd - Brixia Sacra

BASSA ORIENTALE
pro mortuis. Fit item eleemosyna librarum 6 in anno. Reliquum dictorum
reddituum in cera, oleum et ornatum pro altare Sanctissimi Sacramenti
impenduntur. Missa item ex scholae instituto canitur ad idem altare singulis
mensibus. Rationes administrationis redduntur quotannis praesente
praeposito. Fuit visitata de anno 1566 a reverendissimo ordinario.
[f. 246r] Ecclesia Sancti Salvatoris curata nuncupata, quae distat ab
oppido Rotundischi quattuor miliaris, de cuius consecratione non constat
et, ut dicitur, erat curata et de praesenti etiam adsunt quaedam vestigia id
comprobantia, videlicet tabernaculum pro Sanctissimo Sacramento, baptisterium
et forsan coemiterium et libri baptizatorum et matrimoniorum
alias in ea celebratorum. Clarius id apparet in bulla erectionis curae Mosii
factae de anno 1571, in qua bis fit mentio de ecclesia Sancti Salvatoris curata.
Habet unicum altare in quo non celebratur. Bona dictae ecclesiae ignorantur.
Ecclesiae aedes sunt annexae.
Oratorium campestre Sancti Zenonis
Amplum est, sed ruinam minatur et non est consecratum. Habet unicum
altare sine redditibus in quo non celebratur.
Oratorium Sancti Rochi loci Foenilium
Non consecratum, distat ab oppido Rotundischi duobus miliaribus et hic
morantur quaedam familae, quae sunt subditae curae Rotundischi, a quibus
etiam ex voto fuit constructum. Habet unicum altare in quo ex eodem voto
tenentur praedictae familiae ad celebrari faciendum singulis diebus festis et
aliis item.
Oratorium Sancti Petri
Rude et angustum, distansque ab oppido miliare uno et est membrum
praepositurae. Habet unicum altare in quo non celebratur. Habet cubiculum
annexum in quo commoratur heremita.
Oratorium Sancti Rochi confraternitatis Sanctissimae Trinitatis non
consecratum. Est satis amplum decenterque ornatum. Habet unicum altare
in quo celebratur aliquando ex devotione. Nullos habet redditus sed
eleemosinas tantum, ex quibus ornatur. Hoc oratorium patitur servitutem
373