san carlo 2 bassa bresciana.qxd - Brixia Sacra

BASSA CENTRALE
Ecclesia Sancti Benedicti abbatialis est consecrata, ampla. Sanctissimum
Sacramentum in ea servatur in tabernaculo ligneo superi altari maiori collocato,
coram quo lampas ardet expensis abbatis. Altaria tria habet, videlicet
altare maius et reliqua duo indotata. In ea ecclesia missae duae quottidianae
celebrantur et horae in choro recitantur expensis abbatis 15 . Capellani
mercenarii sunt praesbiter Faustinus Pasoltus brixiensis cum mercede
ducatorum quinquaginta, legitime docuit de ordinibus, docet pueros; praesbiter
Iacobus Antonius de [f. 173v] Plasiis brixiensis, cum mercede ducatorum
quinquaginta, alias congregationis Sancti Georgii in Alga Venetiarum,
non tamen professus ut constat testimonio generalis ipsius congregationis,
in quo constat etiam de sacerdotio, non habet facultatem ab ordinario;
clericus adest. Consuevit reverendus abbas aliquando tres et aliquando
quatuor sacerdotes in hac ecclesia sustinere. Sub capella maiori in scurolo
adest altare in quo corpora sanctorum Vitalis et Marciani iacent, quorum
dies commemoratur decima iulii. In eo altari aliquando celebratur. Sacristia
16 suppellectili sacra non satis instructa. Monasterium est huic ecclesiae
annexum, in quo dicti capellani habitant. Redditus annui huius abbatiae
dicuntur esse scutorum duorum mille. Abbas est illustris Ascanius Martinengus
qui de titulo non docuit.
Oratorium Beatae Mariae dicatum constructum in dicto monasterio.
Altare habet.
Oratorium Sanctae Scolasticae membrum dictae abbatiae 17 .
Oratorium campestre Sancti Antonii 18 membrum dictae abbatiae. Altare
habet 19 et aliud altare extra ecclesiam. In eo celebratur aliquando.
Oratorium Sancti Nazarii campestre in profanos 20 usus conversum cum
altari unico. Habet petiam terrae et domum annexam, quae possidetur a
comunitate quae in eo aliquando celebrare facit.
Oratorium Sanctae Mariae de Matagho altaria tria [f. 174r] habet. In eo
aliquando celebratur ex devotione. Domus est annexa cum petia terrae,
quae possidentur a laico sub nomine heremitae absque tamen aprobatione
aliqua. Sacra suppellex adest pro celebratione missae et ornatu altaris.
35