san carlo 2 bassa bresciana.qxd - Brixia Sacra

BRIXIA SACRA
picta in muro integra transferatur super altare maius, et in muro construendo
inseratur. Sacristia fiat iuxta illam. Campanile etiam parvum pro campana
fiat, sive pilastri supra murum. Cappella maior clathris ferreis muniatur.
Provideatur de paramentis necessariis, item de corporalibus quatuor et purificatoribus
duodecim. Interim fenestra, per quam ex via publica in cappellam
[f. 170v] miraculorum introspici potest, muro claudatur et oculus in
muro laterali fiat, idque infra mensem, alioqui altare tollatur nec in ea celebretur.
Bradella altaris ad formam fiat. Calices inaurentur et accomodentur.
Reverendissimus ordinarius singulis annis eligat duos homines spectatae
vitae, qui una cum rectore curam habeant eleemosinarum et oblationum
quae in dies in hoc oratorio fiant et singulis annis rationem reddant
ordinario et quoties ipse expedire iudicaverit. Cappellanus probatus sit ab
episcopo cum facultate scripta. Retineatur capsula duabus clavibus clausa,
quarum una sit penes dictos deputatos altera vero penes cappellanum, in
qua asserventur oblationes et eleemosinae, quae in dies tribuuntur pro
celebrandis missis ex regulis per ordinarium praescribendis. Ne exponantur
publice indulgentiae quae recognitae et approbatae non sint ab ordinario
ad praescriptum concilii provincialis quinti.
In oratorio Sanctae Mariae Elisabet loci de Betegno
Hoc oratorium instauretur, et altare ad formam fiat, ac cancellis sepiatur
super gradu cappellae. Pavimentum et soffita fiant. [f. 171r] Fenestrae ex
tela muniantur. Provideatur de campanula. Et interim in eo non celebretur.
Obturetur foramen, per quod e viridario inspicitur supra altare maius.
Nobilis dominus Rizardus de Orianis haeres quondam magnifici domini
Iohannis Antonii Oriani omnino satisfaciat legato missarum trium in festo
Sanctae Mariae Elisabet ad altare huius oratorii, quamvis sublatum sit altare,
ut omnino voluntas testatoris exitum habeat, et agatur contra eos ad
restitutionem omnium fructuum perceptorum de praeterito. Sacristia perficiatur
cum lavatorio et oratorio ad formam. Altare Sancti Rochi vacuum
impleatur. Arbores existentes iuxta parietem oratorii succidantur.
Contra concubinarios
Infrascripti omnes et singuli, si in posterum contra formam obligationis et
fideiussionis sive praecepti in actis visitationis facti contravenerint, poenis
in obligationibus et praeceptis contentis officiantur, ac contra eos eorum-
170