san carlo 2 bassa bresciana.qxd - Brixia Sacra

BASSA ORIENTALE
ni et constitutionis Allexandri III, ita ut cum vacaverit in eius collatione
serventur, quae de parochialibus a concilio Tridentino decreta sunt.
Homines et commune Sancti Firmi construere dum curent baptisterium
ad formam sumptibus suis, et tabernaculum ligneum decens ad usum
asservandi sacramentum. Item eorundem, et societatis sacramenti impensis
lampas accensa ante ipsum sacramentum teneatur. Impensae etiam pro
candelis in die Purificationis Beatae Mariae Virginis, et olivarum in dominica
Palmarum populo distribuen fiant ab eadem universitate et populo.
Pixis fiat decens adhibitis ad eam conficiendam imaginibus argenteis eidem
ecclesiae oblatis. Vascula oleorum sanctorum ad formam emantur impensis
dictae communitatis.
In posterum vero eandem ecclesiam Sancti Firmi, propterea quod a loco
Rotundischi multum distat, neque sine multa difficultate ad eam percipiendi
sacramenta et [f. 248r] divina officia audiendi gratia acceditur, in
parochiam sine praeiudicio viventis titularis erigit reverendissimus episcopus
iuxta formam Alexandri III et concilii Tridentini; sacerdoti vero, qui
eidem ecclesiae praeficiendus erit, assignentur omnes redditus et bona eiusdem
ecclesiae, nec non oblationes et proventus.
Coemiterium muro cingatur impensis communitatis. Ne fiant in posterum
nundinae in festo sancti Laurentii poenis contentis in bullis summorum
pontificum et decretis provincialium conciliorum, aliisve arbitrio
reverendissimi ordinarii, sed illas in diem sequentem seu praecedentem in
quem eiusmodi festivitas non incurrat, reiicere possint ad praescriptum
dictarum bullarum et decretorum. Reverendissimus ordinarius eligat duos
probos homines clericos, vel laycos probata vita et moribus, qui una cum
vicario foraneo et mercenario curam suscipiant omnium oblationum, quae
fiunt in dies et in festivitate sancti Firmi, et praesertim imaginum argentearum,
vestium et aliarum rerum alicuius momenti, et singulis mensibus
tribuant pro rata portione mercedem mercenario, et in fine anni reddant
rationem administrationis reverendissimo ordinario, seu alii ab eo deputato,
aliaque praestent ad praescriptum decreti provincialis.
Aedes ecclesiae sint ad usum titularis et mercenarii. Provideatur de
purificatoriis quindecim, corporalibus quatuor cum suis sacculis et tot velis
pro calicibus varii coloris, ut temporum varietas requirit. Teneatur clericus
sumptibus populi, qui idoneus sit, et semper in habitu et tonsura incedat.
383