san carlo 2 bassa bresciana.qxd - Brixia Sacra

BRIXIA SACRA
quae ex his sacram communionem sumunt 601. Doctrina christiana non
exercetur.
Schola Sanctissimi Sacramenti instituta et erecta, ut dicitur. Regitur a
massario, cancellario et duobus sindicis. Habet redditum annuum librarum
decem, quae expenduntur in ornatum altaris et celebrationem unius missae
in mense ut in statu altaris. Administrationum rationes dantur singulis
annis parocho. Fuit visitata a reverendissimo episcopo Bollano ordinario.
Clericatus Sancti Ambrosii demoliti, in territorio Casalis Alti. In praedicto
territorio Casalis Alti [f. 233r] aderat ecclesia Sancti Ambrosii quae
fuit demolita, in ea erat titulus clericatus qui in praesenti, ut dicitur, est in
persona unius Ciprioti absentis. Redditus annui dicti clericatus sunt, ut
dicitur, circiter aureorum 70 qui percipiunt ex bonis immobilibus, quae
detinentur a capitaneo Ioanne Baptista urbinatensi sub praetextu respondendi
2 fructuus titulari 3 .
Ecclesia Sancti Emiliani campestris, distat ab oppido medio miliari, est
ampla sed sine tecto et valvis et in ea alias erat cura animarum quae nunc
exercetur in ecclesia parochiali Sanctae Mariae. De consecratione non constat.
In ea non celebratur et est penitus destituta.
Oratorium Sancti Rochi Disciplinatorum, est angustum, non consecratum.
Habet unicum altare in quo duodecies in anno celebratur ex onere
annuae praestationis librarum 30 vigore dotationis antiquitus factae. In eo
est confraternitas Disciplinatorum sine regulis comprobatis. Regitur a
massario, ministro et duobus sindicis qui singulis annis mutantur vel confirmantur.
Habent redditus librarum 30 ut supra. Administrationum rationes
dantur singulis annis parocho. Fuit visitata a reverendissimo episcopo
Bollano ordinario et eius visitatoribus.
1
Aggiunto sopra.
2
Corretto da respondendis.
3
Corretto da titularis.
304