san carlo 2 bassa bresciana.qxd - Brixia Sacra

BRIXIA SACRA
formam iudicio reverendissimi episcopi. Administratores hospitalis
videant contracta de quibus tanquam usurariis conqueruntur, exhibeantque
reverendissimo archipresbitero, qui in huius decreti nomine et auctoritate
visitationis nostrae vocatis vocandis extraiudicialiter et sine ulla forma
iudicii decernat, quid ab ipsis administratoribus, ab aliisve, ad quos contractus
[f. 227r] illi pertinent pro conscentiae oneratione praestandum sit,
illi vero exequantur.
[Seguono i decreti per il monastero francescano di S. Chiara in Asola, ff.
227r-228r, per cui di seguito la parte III. Visita ai monasteri, pp. 424-428]
In ecclesia Sancti Erasmi de Asula
Altare maius redigatur ad formam, et inhaereat parieti capellae cum hicona
[f. 228v] impensis communitatis. Capella maior clathra ferrea sepiatur, vel
saltem cancellis ligneis impensis eiusdem communitatis. Tectum ecclesiae
reparetur adhibita suffita decenti opere constipata. Ecclesia intus dealbetur
et fenestrae omnes telaria ac valvas habeant. Sepulturarum operimentum
fiat ad formam, et ad pavimentum aequetur. Arcae seu deposita, quae sunt
in ingressu ecclesiae meridiem versus et in capella Sancti Iob, tollantur
poenitus infra octo dies, quibus elapsis, nisi haec ordinatio effectum sortita
fuerit, ipsam ecclesiam interdicimus, in qua non celebrabitur donec
sublata fuerint praefata monumenta.
Familia de Datis infra duos menses exhibeat omne ius quod habere praetendit
reverendissimo episcopo et, si ostenderit habere ius, redigat altare ad
formam instructionum, illudque ornet paramentis necessariis iudicio reverendissimi
ordinarii, et capella eius impensis claudatur ad formam.
Capella Sancti Antonii reparetur, et altare in ea ad formam aptetur
impensis patronorum, quorum curae sit etiam illi crucem, candelabra, aliaque
paramenta necessaria comparare. Rector ecclesiae agat, et procedatur
etiam ex officio summarie contra Ludovicum Paraboscum ad recuperationem
bonorum existentium in agro Asulano in loco ***, quae dicuntur esse
huius capellae, et ad restitutionem fructuum perceptorum, qui fructus exacti
expendantur in reparatione capellae et altaris ac paramentis, pro eiusdem
altaris et capellae ornatu, et in posterum fructus et redditus dictae petiae
terrae dentur sacerdoti, qui satisfaciat oneri unius missae celebrandae singulis
habdomadis ad dictum altare ex legato quondam Baptistae de Rotiis.
348