san carlo 2 bassa bresciana.qxd - Brixia Sacra

BRIXIA SACRA
particulares ab ecclesia tollantur infra triduum sub poena interdicti ecclesiae,
nec amplius in ea admittantur, liceat tamen eas aptari facere iuxta formam
illarum quae sunt in ecclesia Sancti Petri Brixiae, et ad usum communem
iterum introduci a superiore ecclesia. Oratorium et lavatorium in sacristia
fiant. Caemiterium sepiatur, ita ut bestiae in eo ingredi non possint.
Domus curati quamprimum fieri potest perficiatur; ita ut in ea habitari
possit. Spacium, quod est inter ecclesiam et domum parochialem praedictam
termino XV dierum muro obturetur sub poena interdicti ecclesiae. [f.
136r] Communitas et nobiles loci, ac schola Sanctissimi omni pietate
incumbant ad ecclesiam suam reparandam, ampliandam et ornandam, ac de
omnibus necessariis instruendam, prout etiam nobis se facturos significarunt,
et peccunias iam ad hunc effectum collectas adesse dixerunt, parochus
autem pro huius visitationis decretis exequendis, expendat et ipse singulis
annis scuta decem, donec haec decreta omnia perfecte exequutioni
mandata fuerint, eamque ob causam sequestra et relaxa quotannis 1 fiant
etiam a vicario foraneo.
Martinus et fratres de Resconis, qui ex causa conductionis bonorum
huius ecclesiae restant debitores de libris ducentum vel circa huic fabricae ut
dicitur applicatis, termino mensis satisfaciant, alias reverendissimus ordinarius
eos ad satisfactionem compellat propositis poenis et censuris arbitrio
eiusdem ordinarii etiam interdicti ab ecclesia. Provideat rector de clerico
idoneo, qui in habitu et tonsura incedat et ei inserviat. Praedictus 2 rector
nisi termino mensium duorum in actis huius visitationis, vel coram reverendissimo
ordinario legitime doceat se non teneri ad manutentionem coadiutoris
iuxta formam bullae suae provisionis, compellatur a reverendissimo
ordinario ad eum manutenendum, nec non ad restitutionem fructuum dicti
coadiutoris pro annis praeteritis, quae fabricae ecclesiae applicentur.
Scholares Sanctissimi Sacramenti statuta sub titulo sancti Rochi alias
facta 3 reverendissimo ordinario exhibeant confirmanda vel regulam generalem
ad usum provinciae Mediolanensis edendam habere procurent ac servent.
[f. 136v] Unionem scholae Sancti Rochi ab ipso ordinario obtineant.
Bona ipsius scholae praevio incantu plus offerenti locentur.
1
Corretto da quottannis.
2
Corretto da praedoctus.
3
a cancellato.
72