san carlo 2 bassa bresciana.qxd - Brixia Sacra

BASSA ORIENTALE
Carpenedolo, San Giovanni Battista
[a. Acta visitationis, ff. 227r-228v;
Brescia, XXVIII, ff. 26r-28v; XL, ff. 193r-196v]
[b. Decreta particularia, ff. 193v-196v;
Brescia, XXIX, ff. 15v-18v, 217r-218v, 220r-221r]
[a. CHIESA PARROCCHIALE DI SAN GIOVANNI BATTISTA
DI CARPENEDOLO]
[f. 227r] Die 20 martii praesentis anni
Visitavit ecclesiam parochialem archipresbiteratum nuncupatam Sancti
Ioannis Baptistae loci Carpeneduli et deinde intra eius fines infrascriptas
ecclesias, cappellas, oratoria et scholas. Quae consecrata est, satis ampla et in
ea Sanctissimum Sacramentum asservatur assidue cum lampade accensa
impensis scholae Sanctissimi Sacramenti. Quaedam reliquiae sine 1 inscriptionibus
asservantur in sacristia. Baptisterium incongruum. Altaria septem,
videlicet altare maius; altare Sancti Laurentii cum schola Disciplinatorum de
qua infra; altare Sanctae Mariae Conceptionis erectum a quondam Ioanne
del Conte qui instituit haeredem cappellam ex fructibus sive bonis eius hereditatis
construendam sub titulo Beatae Mariae in ecclesia hac, cum onere
tenendi sacerdotem cappellanum amovibilem, qui celebret ac etiam curam
animarum exerceat et ut haec eius voluntas facilius exequutioni mandaretur,
delegit quattuor fidecommissarios et procuratores archipraesbiterum videlicet,
eius successores pro tempore et syndicos communitatis nomine ipsius
communitatis, fratrem et successorem de linea 2 et cognatum eiusque successores
qui omnes habent facultatem eligendi et removendi praedictum cappellanum,
in cuius sustentatione et reparatione ornatum capellae impenduntur
fructus ac redditus omnes [f. 227v] dictae hereditatis et bonorum. A tribus
annis citra non satisfit oneri celebrandi sed omnes fructus et redditus
fuerunt in pauperes erogati. Redditus bonorum relictorum in anno sunt
librarum 130 planetarum vel circa et merces de praesenti constituta futuro
cappellano pro satisfaciendo oneri est librarum 140. Ius administrationis et
presentationis dicti cappellani nunc competit archipraesbitero dictae ecclesiae,
sindico communitatis et Sebastiano qui est 3 de linea testatoris.
273