san carlo 2 bassa bresciana.qxd - Brixia Sacra

BASSA ORIENTALE
Montichiari, Santa Maria Assunta
[a. Acta visitationis, ff. 213v-216v;
Brescia, XXVII, ff. 174r-177v; XXVIII, ff. 5r-6v, carta n.n. tra ff. 6-7; XL, f. 450]
[b. Decreta particularia, ff. 182v-187r;
Brescia, XXVII, ff. 186r-192v; XXIX, ff. 3v-9v]
[a. CHIESA PARROCCHIALE DI SANTA MARIA ASSUNTA DI MONTICHIARI]
[f. 213v] Die 7 martii praedicti anni
Visitavit parochialem ecclesiam Sanctae Mariae Assumptionis loci Montisclari
quae alias, ut dicitur, erat simplex, sed ob populi commodum in eam
curam animarum, quae erat in ecclesia Sancti Pancratii, translata fuit, deinde
vero intra eius fines visitavit infrascriptas ecclesias, cappellas, oratoria,
scholas et pia loca. Est consecrata, cuius amplitudo est populi capax. Sanctissimum
Sacramentum assidue extra altare maius in angulo cappellae
maioris in tabernaculo ligneo asservatur cum lampade accensa impensis
scholae Corporis Christi. Reliquiae sacrae quaedam adsunt indecentissime
asservatae in sacristia. Baptisterium incongruum est.
Altaria septem in hac ecclesia videlicet altare maius. Altare Sanctissimi
Sacramenti cum schola sub eodem titulo in quo ex legato praedicta schola
quotidie celebrare facit cum annua eleemosina ducatorum triginta. Cappellanus
amovibilis est praesbiter Ioannes Antonius de Sibiondis loci Montisclari,
annorum 61, qui docuit legitime de eius ordinibus; est scientia debilis
et habitat in domibus propriis.
[f. 214r] Altare Beatae Mariae Virginis interdictum a visitatore ordinarii,
in quo ante interdictum quotidie celebrabatur ex legato relicto a quondam
Suffia de Baldecarzo quae instituit communitatem executricem huius
legati; in praesenti predicto oneri satisfit altari maiori. Cappellanus mercenarius
est presbiter Bartholomeus de Franchinis loci Montis Clari, annorum
65. Nullum habet beneficium.
Habitat in domibus consortii Montis Clari abhinc annis decem nec dicto
consortio aliquod fictum persolvit unquam; conquesti sunt aliqui de eo
quod emerit professionem a Lanfrancho de Franchinis pupillo cum pacto
retrovendendi dummodo infra octo annos non elueret, item quod seram
209