san carlo 2 bassa bresciana.qxd - Brixia Sacra

BASSA CENTRALE
calicis, pelviculae, mantilia et mappae ad instructionum formam. Capsulae
duae in ecclesia affigantur ad oblationes et eleemosinas populi pro dictarum
cappellarum constructione colligendas, altera ad cappellam maiorem cum
inscriptione, quae indicet pro fabrica cappellae maioris, altera vero extra
cappellam maiorem cum inscriptione pro fabrica aliarum duarum cappellarum,
ut liberum unicuique sit in earum quamlibet [f. 166r] pro eius pietate
elemosinam immittere. Utraque vero duabus clavibus diverso fabrili opere
munita sit, quae penes fabricae praefectos asserventur. Elligantur fabricae
praefecti tres, qui praedictis omnibus fabricis et earum ornamentis operam
suam navent omnemque peccuniae summam a quovis exigendam tam oblationes,
et eleemosinas cum omnibus impensis in librum distinctae ex ordine
refferant ut, cum opus fuerit, rationes facile iniri possint.
Tectum vero ecclesiae ex praescripto conventionis instrumento resarciatur,
sarctumque 14 ac tectum in perpetuum expensis beneficii parochialis
ipsius rectoris fructibus servetur. Quod vero ad cuiuslibet alterius partis
huius ecclesiae reliquum attinet, quae in posterum reparatione, vel instauratione
indigeret, praedictus rector titularis, ac praefati cappellani deinceps ad
ipsam instaurationem et reparationem pro rata parte teneantur iuxta declarationem
a domino Soldo, et domino Stella, vigore facultatis eisdem in praedicto
conventionis instrumento concessae faciendam. Quo si nulla sequetur
declaratio, vel quo ipso tempore sequatur, parochus ipse et cappellani pariter
ad ratam concurrant, et pro rata summae quae in eo instrumento continetur.
Liber status animarum conficiatur ad formam decretorum provincialium.
[f. 166v] In hac archipresbiterali ecclesia, cuius populus valde numerosus
est, et aliqua pars etiam ab ecclesia longe distat, quoniam unus coadiutor
cum archipresbitero satisfacere non potest 15 ministrandis sacramentis
et cultui divino inserviendo, duo perpetuo sint coadiutores, qui in hoc
munere archipresbiterum adiuvent tam in sacramentis ministrandis, quam
in missae sacrificio celebrando, et reliquis in ecclesia ministeriis obeundis,
quibus singulis detur stipendium 16 ad rationem scutorum quinquaginta singulis
annis ex fructibus huius beneficii. Sustineatur quoque ex iisdem fructibus
clericus idoneus, qui vestitum et tonsuram clericalem defferat, ecclesiaeque
in munere suo inserviat. Coadiutores in domibus ecclesiae habitent,
et ab agricultura, aliisque eiusmodi operibus abstineant. Cappellani
titulares, ac cappellanus Corporis Domini communibus expensis alium clericum
habeant, qui eis in missae sacro inserviat, et vestitum tonsuramque
165