san carlo 2 bassa bresciana.qxd - Brixia Sacra

BRIXIA SACRA
Ob idque etiam ex nunc ad praescriptum concilii Tridentini per praedictum
illustrissimum visitatorem apostolicum a bonis et redditibus praepositurae
et uniuscuiusque cappellaniae [f. 154r] coadiutoralis perpetuo
separatur et dimembratur tertia pars fructuum in quottidianas distributiones
convertenda et singulis horis infrascripta ratione distribuenda videlicet:
pro matutino et vesperis denariorum sex, et reliquis horis denariorum
trium, ut si personaliter praepositus et cappellani coadiutores competens
servitium quottidie et qualibet hora canonica non impleverint illius diei, et
horae distributionem pro ratione dictae tertiae partis fructuum praebendarum
suarum ammittant et inter ceteros illis ipsis horis interessentes proportionaliter
distribuantur, ad quod effectum etiam in preiuditium absentium
sequestra dictae tertiae partis fiant. Qui vero in confessionibus aut
alio munere curae occupati sunt, praesentes tunc in choro censeantur.
Deputetur quoque punctator, et notentur absentia, et errata ad praescriptum
conciliorum Tridentini et provincialium.
Serventur alia ad praescriptum eorundem conciliorum de hora et libro
missarum, quae in dies celebrantur ac de tabellis in sacristia tenendis. Capitulum
spirituale semel in hebdomada, congregationes vero cleri huius loci bis
habeantur ad praescriptum conciliorum provincialium. Ex fructibus beneficii
praeposituralis sustineat clericus idoneus, qui in habitu et tonsura incedat
et [f. 154v] ei in ecclesia inserviat. Alius item sustineatur clericus expensis
cappellanorum omnium titularium, qui in habitu et tonsura semper incedat
et eis in divinis inserviat. Ave Maria meridiana singulis diebus pulsetur.
Interesse studeant omnes sacerdotes, praesertim vero diebus festis orationi
vespertinae in ecclesia. Cappellaniae coadiutorales per praepositum
alicui ne conferantur nisi iis qui idonei per concursum ab ordinario scripto
aprobati fuerint, alias tituli sint nulli. Qui vero absque concursu et aprobatione
reverendissimi ordinarii provisi de praesenti reperiuntur intra mensem
legitimam obtineant dispensationem, aliter reverendissimus ordinarius
contra eos ad privationem procedat. Presbiter Petrus de Nassiis curam
animarum ne exerceat ac a celebratione obstineat nisi prius licentia a reverendissimo
episcopo scripto impetrata.
Pro schola Sanctissimi Sacramenti
Scholares regulas ad usum comunem scholarum provinciae Mediolanensis
edendas habere procurent. Officiales quottannis mutentur, vel saltem con-
132