san carlo 2 bassa bresciana.qxd - Brixia Sacra

BASSA CENTRALE
Ecclesia Sanctae Mariae Magdalenae campestris, constructa a comunitate
loci domus de Marco nuncupati concessa nonnullis fratribus ordinis Sancti
Hieronimi del Flexo a nonnullis laycis de Lode qui praetendunt hanc ecclesiam
esse suam. Non est consecrata, altaria tria habet quorum infrascripta
sunt dotata videlicet. Altare Sancti Ioseph dotatum a quondam praesbitero
Antonio de Carpenis plodiis duodecim terrae quae possidentur a fratre
priore huius ecclesiae cum onere missarum duarum in hebdomada, qui satisfacit.
Aliud est legatum factum per quondam dominum Ioannem et dominum
Bernardinum de Laude de anno 1514 plodiorum quatuordecim terrae
cum onere heredibus collocandi fructus in tot bonis quousque sufficiant ad
stipendium congruum missae quottidianae, qui heredes non satisfacerunt et
aduc possident bona qui heredes sunt dominus Baptista et nepos de Lodis.
Vicini petunt hanc ecclesiam consecrari [f. 195r] et ei applicari dicta bona de
Lodis ad effectum ut missa quotidiana celebretur computato legato praesbiteri
Antonii Carpeni. Sacristia non adest neque cimiterium sed mortui sepeliuntur
in ecclesia licet non sit consecrata. Domus est annexa, in qua habitat
prior sive gubernator; prior est frater Moises de Tienis de Brixia, habet
licentiam ministrandi sacramentum penitentiae.
Oratorium Sancti Iacobi campestre, altare habet absque redditu. In eo
aliquando celebratur ex devotione.
[b.] [f. 156r] In ecclesia parochiali Sancti Laurentii loci de Fiesco
Pixis tutius claudatur cum cooperculo. Tabernaculum ligneum intus drapo
sericeo circumvestiatur. [f. 156v] Baptisterium a parte septemtrionali constructa
nitia reponatur cum sacrario ad formam, et claudatur. Ostium vero
in dicta navi obturetur. Vasa oleorum sacrorum ad formam reducantur,
eisque cotula et sacculus ex serico fiant.
Altare maius clathra ferrea sepiatur, et bradella ad formam reducatur
impensis pensionarii infra annum. Altare Nativitatis Beatae Mariae, et bradella
ad formam aptentur, sepiaturque cancellis ligneis. Fenestella lateralis
muro obturetur, et haec omnia fiant expensis reddituum vacantium. Altare
137