san carlo 2 bassa bresciana.qxd - Brixia Sacra

BASSA CENTRALE
Pralboino, Sant’Andrea
[a. Acta visitationis, ff. 182v-185r;
Brescia, XL, ff. 362r-364r]
[b. Decreta particularia, ff. 140r-142r;
Brescia, XXVII, ff. 41r-43v]
[a. CHIESA PARROCCHIALE DI SANT’ANDREA DI PRALBOINO]
[f. 182v] Die veneris XI mensis martii praedicti anni
Visitavit et caetera ecclesiam parochialem Sancti Andreae praeposituram
nuncupatam loci Pralboini et deinceps intra eius fines infrascriptas ecclesias,
cappellas, oratoria, scholas et loca pia. Non est consecrata, satis ampla.
Sanctissimum Sacramentum assidue asservatur super altari maiori in tabernaculo
marmoreo, ante quod lampas ardet impensis praepositi. Reliquiae
nonnullae adsunt inventae in altari maiori. Baptisterium adest [f. 183r]
decens, non tamen ad praescriptum neque loco congruo collocatum. Altaria
novem adsunt, videlicet altare maius, altare Visitationis Sanctae Mariae
Ellisabet, dotatum annuo redditu librarum quinque centum, quae reservatae
dicuntur illustrissimo cardinali de Gambara, qui celebrare facit cum
annua mercede scutorum triginta in anno. Onus est celebrandi missae quotidianae.
Cappellanus mercenarius est praesbiter Iacobus Bonetus cremonensis,
aetatis annorum 50, legitime docuit de ordinibus, habitat in domo
illustrissimorum comitum de Gambara Pralboini.
Altare Sancti Antonii abbatis, dotatum redditu annuo librarum 50 a
quondam domino Tonolo de Guarinonibus cum onere missae quotidiane,
quae a reverendissimo ordinario reducta fuit ad quatuor ob tenuitatem redditus
et dicitur de iure patronatus comunitatis Pralboini. Cappellanus titularis
est presbiter Hector de Mantellis brixiensis, aetatis annorum 68,
docuit de titulo et de ordinibus praeter de prima tonsura et quatuor minoribus.
Habitat in domo paterna.
Altare Sanctae Mariae Conceptionis dotatum annuo redditu aureorum
duodecim a quondam domino Ioanne de Rubera cum onere missae quotidianae
ad quod tenetur comunitas quae satisfacit, licet praedictum stipendium
taxatum a testatore ipso non sufficiat. Cappellanus mercenarius est
87