san carlo 2 bassa bresciana.qxd - Brixia Sacra

BRIXIA SACRA
Nicolai cum schola Corporis Domini ex cuius devotione missa quottidiana
ibidem celebratur, Cappellanus mercenarius est dominus praesbiter Ioseph
Luchinus brixiensis, aetatis annorum 34 vel circa, cum mercede annua scutorum
triginta quae solvuntur a dictis scholaribus; canonicus est item dictae
ecclesiae, habitat in domo sui cognati, non docuit de litteris sacerdotii.
Altare Sancti Antonii in quo saepius ex devotione celebratur. Altare Sancti
Stephani in quo ex relicto quondam illustris comitis Lucretii de Gambara
tenentur illustri comites Lucretius et Nicolaus fratres de Gambara eius filii
ad onus missae quottidinae, qui satisfaciunt. Cappellanus mercenarius est
praesbiter Pecinus Seianus sive de Gabianis brixiensis, aetatis annorum 58 vel
circa, cum mercede annua scutorum viginti quinque. Habitat in domo predicti
illustris comitis Lucretii cuius etiam filios docet, non fuit in tempore
statuto ad sacerdotium promotus et ob id illico suspensus. Altaria reliqua
indotata sunt. Cimiterium adest sed apertum. Sacristia adest a parte auqilonari,
non satis instructa sacra suppellectili quae collegiatae ecclesia usui esse
debet. Domus parochiales dicuntur sublatae ad usum plateae huius opidi ad
instantiam illustrium comitum Lucretii et Nicolai fratrum de Gambara et
non- [f. 203v] nullorum aliorum. Adsunt nonnullae domunculae ab ecclesia
non multum distantes pro habitatione 1 vicarii et unius 2 cappellani.
In dicta ecclesia cum vicaria perpetua est una dignitas praeposituralis et
sex canonicatus praebendati, quae praepositura et canonicatus praetenduntur
de iure patronatus illustris comitis de Gambara. Nomina autem et redditus
praebendales singulorum praebendatorum sunt ut infra sub amotione
singulorum beneficiorum. Praepositura est principalis dignitas huius
ecclesiae, cui iminet cura animarum predicti loci quam, cum obtineret illustrissimus
nunc cardinalis de Gambara, eidem a felicis recordationis Pio
quinto concessum fuit ut constituta vicaria perpetua cum assignatione
annua aureorum 700 ex fructibus praedictae praepositurae vicario perpetuo
qui per se ipsum curam animarum exerceret, ipsa praepositura imunis a
cura animarum omnino esset, quod executionem habuit ut litteris appostolicis
super his expeditis constare dicitur.
Praepositus titularis est illustrissimus cardinalis de Gambara qui etiam
dicitur habere ius conferendi beneficia in hac ecclesia ut infra contulisse
apparet. Redditus annui sunt huius praepositurae ut dicitur aurei mille.
Vicarius perpetuus est praesbiter Iulius Bovilla laudensis, aetatis annorum
58 vel circa, alias prior congregationis Sancti Georgii in Alga Venetiarum
174