san carlo 2 bassa bresciana.qxd - Brixia Sacra

BRIXIA SACRA
In ecclesia Sanctae Mariae Disciplinatorum
Vas aquae benedictae ad formam construatur, et ponatur in ingressu ecclesiae.
Altare redigatur ad formam, in quo inseratur petra sacrata ad praescriptum.
Loci super ecclesia non inhabitentur, sed pro oratorio duntaxat,
et paramentis asservandis inserviant.
Satisfiat in omnibus oneri trium officiorum cum quatuor missis perpetuo.
Ne fiant commessationes feria quinta in Coena Domini, nec in die
defunctorum, sed pauperibus duntaxat eleemosinae in tot panes erogentur.
Andreas de Lutiis solvat infra terminum praescriptum libras tredecim,
quae in manus eius patris dictae societatis officialis pervenerunt. Officiales
singulo anno mutentur, et delecti ab ordinario probentur. Habeant regulas
ad usum totius provinciae Mediolanensis editas.
In oratorio Sancti Sepulchri
Oratorium claudatur cancellis ligneis, non tamen in eo celebretur. Ne quicquam
pro sepultura exigatur. Haeredes quondam Bartholomei Manfredi,
nuncupati Disciplini, relinquant petiam terrae ipsi oratorio inhaerentem in
manibus officialium societatis Corporis Christi, qui quotannis celebrare
faciant officium 15 solidorum pro anima ipsius in ecclesia parochiali.
Pro Monte pietatis
In posterum non fiat mutuum frumenti cum pacto, seu spe aliqua etiam
mentali lucrandi, [f. 214v] sed gratis indigentibus mutuetur. Salarium et
merces officialium solvatur ex eleemosinis, quae colliguntur.
316