san carlo 2 bassa bresciana.qxd - Brixia Sacra

BASSA ORIENTALE
Asola, Sant’Andrea
[a. Acta visitationis, ff. 234v-241v;
Brescia, XXVIII, ff. 42r-55v; XL, ff. 18r, 31v, 138r-144v]
[b. Decreta particularia, ff. 214v-232v;
Brescia, XV, q. 18a (1-37, 40-68); XIX, q. 4c (1-6), 3b (1-2); XXVI, q. 7a (1-51),
7b (1-25); XXVII, q. 19 (151r-163r); XXIX, q. 5-8 (38v-49v, 50v-58v)]
[a. CHIESA PARROCCHIALE DI SANT’ANDREA DI ASOLA]
[f. 234v] Die 26 suprascripti 1 mensis et anni
Visitavit ecclesiam parochialem Sanctae Andreae collegiatam et archipresbiteralem
nuncupatam de Asula deinde infrascriptas ecclesias, oratoria, scholas
et pia loca intra fines eiusdem constituta. Est consecrata et congrua. In ea
Sanctissimum Sacramentum asservatur in altari maiori, tabernaculo ligneo
super collocato, cui lampas impensis archipraesbiteri praelucet. Adsunt reliquiae
sacrae Sancti Ioannis Chrisostomi quae asservantur in fenestella cappellae
maioris a latere evangelii omni poenitus ornatu destituta. Baptisterium
est indecens pro loci et ecclesiastica ratione nec congruo in loco situm.
Sunt altaria decem, videlicet altare maius creditur consecratum non
tamen signa sigillave apparent. Altare Sanctorum Hyeronimi et Firmi, ut
dicitur, est confrater- [f. 235r] nitatis Disciplinatorum qui in eo ex devotione
celebrare curant. Habet etiam legatum ducatorum 12 relictum a
quondam Ioanne Francisco de Bonedelio cum onere quinque missarum in
hebdomada. Cappellanus virtute testamenti eligitur et instituitur a capitulo
et est nunc presbiter Ioseph de Federicis de Asula canonicus in eadem
ecclesia et oneri per se ipsum satisfacit. Altare Sancti Rochi indecens et
omni ornatu destitutum, in quo cappellania adest de iure patronatus, ut
dicitur, familiae de Da[i]niis ex erectione quae cappellanum elegit et praesentat
reverendissimo episcopo ad quem institutio spectat. Supeditare
necessaria ad ornatum dicti altaris compertum est spectare ad familiam
praedictam. Redditus annui sunt ducatorum quatuordecim cum onere duarum
missarum in hebdomada. Titularis est presbiter Bartholomeus de Turchis
aetatis annorum 29 qui satisfacit oneri per se ipsum.
Altare Sanctae Agathae unitum est praebendae canonicatus erecti sub
eodem titulo ex fundatione et dotatione communitatis ut infra in statu
317